თეონა ჭალიძე - სამტრედიის ბაგა-ბაღების კვების რაციონში ცხენის ხორცი აღმოაჩინეს

2019-02-16 16:15:13, 1368 ნახვა

საზოგადოება

პარტია „ახალი საქართველოს“ ხელმძღვანელი თეონა ჭალიძე, ბაგა-ბაღებში კვების რაციონში ცხენის ხორცის არსებობის შესახებ ინფორმაციას ავრცელებს.

თეონა ჭალიძის თქმით, სამტრედიის ბაგა-ბაღებში ცხენის ხორცის შეტანა 2018 წელსაც დაფიქსირდა.

მან დღეს გამართულ პრესკონფერენციაზე დამადასტურებელი დოკუმენტიც წარმოადგინა.

როგორც ჭალიძემ აღნიშნა, აღნიშნულეზე სრული პასუხისმგებლობა ხელისუფლებას ეკისრება.

„ეს არის ყოვლად წარმოუდგენელი, ყოვლად უსინდისო, უპასუხისმგებლო, უნამუსო ქმედება, რომელიც განხორციელდა ბიზნეს ოპერატორის მხრიდან. ამაზე პასუხისმგებლობა ეკისრება ხელისუფლებას, სურსათის ეროვნულ სააგენტოს, რომელმაც მანამდე ვერ აღმოჩინა ეს შემთხვევა. ახლა ჩვენ მოვითხოვთ პასუხებს ხელისუფლებისგან, გამოვიდნენ, სამტრედიელი კახი კალაძის ჩათვლით, და გვიპასუხონ, რა ხდება ბაგა-ბაღებში. ჩვენ ახლა ხელში გვიჭირავს დოკუმენტი, სადაც ლაბორატორიულად არის დადასტურებული, რომ ხორცში აღმოჩნდა ცხენის დნმ“, - აღნიშნა თეონა ჭალიძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები