საქართველოს თავდაცვის მინისტრი თინათინ ხიდაშელი ევროპაში ვიზიტის დასრულების შემდეგ აეროპორტიდან პირდაპირ სტიქიის ზონაში გაემართა.

თბილისის ზოოპარკის ტერიტორიაზე გაწმენდითი სამუშაოების შესახებ ინფორმაცია თავდაცვის მინისტრს გენერალური შტაბის უფროსმა, გენერალ-მაიორმა ვახტანგ კაპანაძემ მიაწოდა.

თინათინ ხიდაშელი დეტალურად გაეცნო ქართველი სამხედრობის მიერ შესრულებულ სამუშაოებს და სამხედრო ქვედანაყოფების პირად შემადგენლობას გაესაუბრა. სტიქიის ზონაში თავდაცვის მინისტრთან ერთად პირველი მოადგილე, დავით ებრალიძეც იმყოფებოდა. მინისტრი ზოოპარკის ტერიტორიაზე იმ ადგილზეც მივიდა, სადაც კიდევ ერთი დაკარგული ადამიანის ცხედარი აღმოაჩინეს.

„ჯერ-ჯერობით შორს ვართ იქიდან, რომ ვთქვათ ყველა პრობლემა მოგვარებულია. სამწუხაროდ ჯერ კიდევ არიან დაკარგული ადამიანები, რომელთა ძებნაც მიმდინარეობს. შესაბამისად ძალიან სწრაფ რეჟიმში კიდევ ბევრი საქმე არის გასაკეთებელი. ამასობაში ბუნებრივია, რომ უკვე სარეაბილიტაციო ქმედებებზე უნდა გადავიდეთ. ვინაიდან დიდი ხანი ესე ვერ გაგრძელდება. უკვე უნდა დავიწყოთ მობილიზება იმისათვის, რომ მოხდეს აღდგენითი სამუშაოების წარმოება და არამხოლოდ მოძიების და გაწმენდითი სამუშაოები. ჩვენ ჩვენს ვალდებულებას ვასრულებდით, ხოლო თბილისელებს ძალიან დიდი მადლობა მინდა ვუთხრა. ის ძალიან დიდი სოლიდარობა, რომელიც ქალაქმა აჩვენა, რა თქმა უნდა, იყო უპრეცედენტო და ძალიან მისასალმებელი“, - განაცხადა თავდაცვის მინისტრმა, რის შემდეგაც ვაკე-საბურთლოს ახალი გზის დაზიანებულ მონაკვეთსა და სვანიძის ქუჩაზე მივიდა, სადაც ჯარისკაცები მუშაობენ.

გაწმენდით სამუშაოებში საქართველოს შეიარაღებული ძალები სტიქიის ღამესვე ჩაერთო. ქვედანაყოფების პირადი შემადგენლობა წყნეთისა და სვანიძის ქუჩების, ვერეს ხეობაში ზოოპარკისა და მის მიმდებარე ტერიტორიებს ასუფთავებს. ქართველი სამხედროები მაშველთა ჯგუფს დაზიანებული და ჩაძირული ტექნიკის ამოყვანაშიც ეხმარებიან. სარეაბილიტაციო სამუშაოებისთვის ჯარების ლოგისტიკური სარდლობის  სპეციალური ტექნიკაცაა მობილიზებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის საგადასახადო სამსახურმა თამარა გვერდწითელის კომპანიის ანგარიშები დაბლოკა

თურქეთმა რუსული ქვანახშირის შესყიდვები შეაჩერა შავ ზღვაში უკრაინის მიერ გემებზე თავდასხმის შემდეგ

ტრამპი 2024 წლის არჩევნებში გამარჯვების შემდეგ 2.7 მილიარდი დოლარით გამდიდრდა

ზელენსკიმ განაცხადა, რომ რუსეთმა ბოლო კვირის განმავლობაში ორჯერ სცადა მისი თვითმფრინავის ჩამოგდება