განათლების მინისტრთან ია კერზაიას საქმე, პედაგოგებზე ზეწოლასა და გამოცდების გაუქმებაზე გვექნება კითხვები, - ამის შესახებ „ევროპული საქართველოს“ წევრმა, სერგი კაპანაძემ პლენარული სხდომის დაწყების წინ ჟურნალისტებს განუცხადა.

როგორც ცნობილია, მინისტრი ერთი საათის განმავლობაში დეპუტატების კითხვებს პლენარულს სესიაზე უპასუხებს შემდეგ კი კომიტეტის სხდომა მთლიანად ზუგდიდის მე-6 სკოლის დირექტორის ია კერზაიას საქმეს დაეთმობა.

„განათლების მინისტრთან გვექნება რამდენიმე მიმართულებით მწვავე კითხვები, პირველ რიგში, ბუნებრივია, ეს არის ია კერზაიას საქმე. ამასთან დაკავშირებით კითხვები გვექნება პლენარულ სხდომაზე, შემდეგ კი კომიტეტის სხდომა მიეძღვნება ამ საქმის (ია კერზაიას) განხილვას. მეორე მნიშვნელოვანი თემაა, რომ ამ მინისტრის პირობებში განათლების სამინისტროს უკიდურესი პოლიტიზირება მოხდა და რესურს ცენტრები პრაქტიკულად იქცა მასწავლებლებზე ზეწოლის ინსტრუმენტებად და ეს არის დიდი პრობლემა. მესამე მნიშვნელოვანი საკითხი ეს არის დაანონსებული რეფორმა, რომელიც მარტო გამოცდების გაუქმებას ისახავს მიზნად ყოველგვარი ხედვის გარეშე, როგორ უნდა გაუმჯობესდეს სწავლება სკოლებში, როგორ უნდა შეიცვალოს მისაღები სისტემა უივერსიტეტებში და ასე შემდეგ, ეს არის ძირითადი მიმართულებები, მთავარი ფოკუსი გვექნება ამ სამ თემაზე“, - აღნიშნა სერგი კაპანაძემ.

ავტორი: ,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.