აჭარაში მცხოვრებ სოციალურად დაუცველ და მრავალშვილიან ოჯახებს, საქართველოს წითელი ჯვრის საზოგადოების თანადგომით, ჰუმანიტარულ დახმარება გადაეცათ.

ამ მიზნით საქართველოს წითელი ჯვრის საზოგადოების პრეზიდენტი ნათია ლოლაძე და აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ზაალ მიქელაძე ოთხ ოჯახს ეწვივნენ.

მისიის ფარგლებში ჰუმანიტარული ამანათი უკვე გადაეცა ხულოსა და შუახევის მოსახლეობას, პროცესი ეტაპობრივად გრძელდება სხვა მუნიციპალიტეტებში.

აჭარის ჯანდაცვის სამინისტროს ცნობით, ამანათები მოიცავს 106 ათასი ლარის ღირებულების ტანსაცმელს, ფეხსაცმელს და აქსესუარებს როგორც ზრდასრული ადამიანებისთვის, ასევე ბავშვებითვის. საქართველოს წითელი ჯვრის საზოგადოებამ ჰუმანიტარული ტვირთი უსასყიდლოდ კომპანია „ელსივაიკიკი გე“-გან მიიღო.

„ჩვენს ქვეყანაში, წითელი ჯვარი თავის საქმიანობას, როგორც საერთაშორისო, ასევე ადგილობრივი პარტნიორების მხარდაჭერით, საქართველოს წითელი ჯვრის საზოგადოება არის მსოფლიოს უდიდესი ჰუმანიტარული ქსელის - წითელი ჯვრისა და წითელი ნახევარმთვარის საერთაშორისო მოძრაობის წევრი, რომელსაც უმნიშვნელოვანესი მისია აკისრია, კერძოდ, ეხმარება უმწეო ადამიანებს საგანგებო სიტუაციებითა და სოციალურ-ეკონომიკური კრიზისით გამოწვეული შედეგების დაძლევაში მათი სიცოცხლისა და ღირსების დაცვით და ორიენტირებულია ადამიანთა ტანჯვის შემსუბუქებაზე. საქართველოს წითელი ჯვრის საზოგადოება ჩვენს ქვეყანაში თავის საქმიანობებს როგორც საერთაშორისო, ასევე ადგილობრივი პარტნიორების მხარდაჭერით, 1918 წლიდან ახორციელებს“, - აცხადებენ აჭარის ჯანდაცვის სამინისტროში.

(NS)

ავტორი: ,

სოციალური ქსელები

რუსთაველის გამზირის რეაბილიტაციის დასრულება 30 დღით გადავადდა

მიუსაფარი ცხოველების მიმართ ხელისუფლების პოლიტიკა არაეფექტიანია - transparency international

გახარია - ოპოზიციური პარტიების აკრძალვა მოსკოვის სამოქმედო გეგმის იდენტურია

ბაზისბანკის მხარდაჭერით, საერთაშორისო ღონისძიება “თბილისის ფინანსური სამიტი” გაიმართა