ხორავას ქუჩაზე მოკლული ერთ-ერთი მოზარდის მამა, ზაზა სარალიძე მთავარ პროკურორთან შალვა თადუმაძესთან შეხვედრას ითხოვს.

როგორც სარალიძემ დღეს გამართულ პრესკონფერენციაზე განაცხადა, თადუმაძე მას შეხვედრას დაპირდა, თუმცა მისგან პასუხი ამ დრომდე არ მიუღია. 

“იმის გამო, რომ მთავარი პროკურორისგან პასუხი ვერ მივიღეთ, საჭიროდ მივიჩნიეთ, რომ მასმედიის საშუალებით მივმართოთ მას. 6 თებერვალს, ოთხშაბათს, 12:00 საათზე, მივდივართ მასთან შესახვედრად, იმედია არ დაგვემალება, შეგვხდება და გაგვცემს კონკრეტულ კითხვებზე პასუხებს, რომლებიც ამ ხნის განმავლობაშია დაგროვილი. არა მხოლოდ ძირითად – ჩემი შვილის მკვლელობის საქმეზე, არამედ გარკვეულ კონკრეტულ საქმეებთან დაკავშირებით. თადუმაძე პირველი შეხვედრისთანავე დაგვპირდა, რომ 2 კვირის ვადაში დეტალურად შეისწავლიდა საქმეს და შეგვხვდებოდა, სახალხო დამცველის წარმომადგენელთან ერთად, მაგრამ ფაქტია, რომ დღემდე არ შეგვხვდა და მოგვატყუა”, – განაცხადა ზაზა სარალიძემ  “მთავარში”.  

სარალიძეს სურს, შეხვედრაში მონაწილეობა პროკურორის მოადგილემ და იმ პროკურორებმაც მიიღონ, რომლებიც დავით სარალიძის მკვლელობის საქმეს წარმართავდნენ. 

ავტორი: ,

სოციალური ქსელები

ქრისტიანობის 1700 წლისთავის აღსანიშნავად გაიხსნა სიმპოზიუმი სახელწოდებით „ღმერთი, სამშობლო, ადამიანი“

ტრამპის პარტიაში მკაცრად აკრიტიკებენ მის გამონათქვამებს ზელენსკიზე

რუსეთი საქართველოს კვლავ მოუწოდებს ოკუპირებული ტერიტორიების ე.წ საზღვრების დემარკაციისკენ

რეზო კიკნაძე - ციხემ დედაჩემის და ორი ყველაზე ახლობლის ნომერი დაბლოკა - ბოლო ორი თვე ზარების გარეშე დამტოვეს