„ჩვენი მხრიდან რაც საჭიროა ყველანაირად მივაქცევთ ყურადღებას დაშავებულ თანამშრომლებს“, - ამის შესახებ სამშენებლო ობიექტის უსაფრთხოების მენეჯერმა, რატი ცქიტიშვილმა ჭავჭავაძის გამზირზე მომხდარი ავტოსაგზაო შემთხვევის შესახებ საუბრისას ჟურნალისტებს განუცხადა.

როგორც მან აღნიშნა, შემთხვევა მაშინ მოხდა, როცა მუშები სამსახურში მოვიდნენ, ასევე მისი თქმით, თითოეული მათგანი საქართველოს მოქალაქეა.

„ჩვენი ინფორმაციით, ახლა ვამოწმებთ, დაშავებული არის ჯანში 10 კაცამდე, აქედან ერთი სამწუხაროდ გარდაცვლილია და ერთის მდგომარეობა არის მძიმედ. შემთხვევა იმ დროს მოხდა, როდესაც ჩვენი თანამშრომლები ცენტრალურ შესასვლელთან იყვნენ, დაახლოებით იყო 9 საათი დაწყებული, მათ სასწრაფო დახმარების ავტომობილი დაეჯახა. ჩვენი მხრიდან რაც საჭიროა ყველანაირად მივაქცევთ ყურადღებას“, - განაცხადა რატი ცქიტიშვილმა.

შეგახსენებთ, რომ ჭავჭავაძის გამზირზე ავტოსაგზაო შემთხვევა მოხდა, რის შედეგადაც ერთი ადამიანი გარდაიცვალა, 12 კი, დაშავდა. შინგან საქმეთა სამინისტროს ცნობით, მომხდარზე გამოძიება სსკ-ის 276-ე მუხლის მეხუთე ნაწილით მიმდინარეობს, რაც სატრანსპორტო საშუალების უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.

ავტორი: ,

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა