საპარლამენტო უმრავლესობის წევრი ეკა ბესელია კოლეგებს მმართველი გუნდიდან მოუწოდებს მოსამართლეების სიასთან დაკავშირებით საკუთარი პოზიცია ღიად დააფიქსირონ. 

როგორც ბესელიამ ჟურნალისტებს განუცხადა, "ქართული ოცნების" წევრებმა ორ მთავარ კითხვას უნდა გასცენ პასუხი - უნდა იყოს თუ არა გაწვეული მოსამართლეების სია პარლამენტიდან და დაუჭერენ თუ არა ისინი მოსამართლეობის დასახელებულ კანდიდატებს მხარს. 

"რა დავალებით ისაუბრებს კახა კუჭავა, რომელიმე სხვა კოლეგა, ან მდინარაძე გასაგებია, რომ ეს არის იმ ჯგუფის პოზიცია, რომელსაც არ გამოუხატავს თავისი პროტესტი და არ გამოუხატავს თავისი წინააღმდეგობრივი დამოკიდებულება ამ პროცესის და სიის მიმართ. ამიტომ მოდით ყველამ დააფიქსიროს თავისი პოზიცია, ღიად და საჯაროდ, თუ რას ფიქრობს ამ სიასთან დაკავშირებით. უნდა იყოს თუ არა ეს სია გაწვეული ან დაუჭერენ თუ არა ამ სიას მხარს. მოდით ყველა ის ადამიანი ვინც გუნდურობას მასწავლის და რაღაც ვერსიებს ავითარებს, ჩემს მაგივრად ვიდრე ისაუბრებენ მიზეზებზე, რომელიც მხოლოდ მე ვიცი და არ იციან მათ, უმჯობესი იქნება პირდაპირ კითხოთ დაუჭერენ თუ არა ამ სიას მხარს. ამის შემდეგ გამოჩნდება რა პოზიცია აქვთ იმ ადამიანებს, რომლებიც დღეს საჯაროდ, ავითარებენ ვერსიას, რომელიც ირაკლი კობახიძემ მოიფიქრა და ეს ცრუ ვერსიაა", - აღნიშნა ეკა ბესელიამ. 

ავტორი: ,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.