იუსტიციის სამინისტრო გენერალური ინსპექციის საგამოძიებო და ოპერატიული სამმართველოს გამომძიებლის პოზიციაზე  ვაკანსიას აცხადებს. კანდიდატურის შესარჩევად ღია კონკურსი ცხადდება. დაინტერესებულ პირებს განაცხადების წარდგენა 20 იანვრამდე შეუძლიათ.

აღნიშნული ვაკანსიის გამოცხადება მას შემდეგ გახდა საჭირო, რაც სასჯელაღსრულებისა და პრობაციის სამინისტრო იუსტიციის სამინისტროს შეუერთდა. გენერალური ინსპექციის საგამოძიებო და ოპერატიული სამმართველოს გამომძიებელი გამოიძიებს იუსტიციის სამინისტროს სისტემის მოსამსახურის შესაძლო სამოხელეო დანაშაულს, აგრეთვე, აღმოსავლეთ საქართველოს პენიტენციური დაწესებულებების ტერიტორიაზე ჩადენილ დანაშაულებს.

ინსპექციის საგამოძიებო და ოპერატიული სამმართველოს გამომძიებლის  თანამდებობრივი სარგო 2100 ლარია.

კონკურსში მონაწილეობის მსურველებს უნდა ჰქონდეთ უმაღლესი იურიდიული განათლება (სასურველია მაგისტრის ხარისხი); სისხლის სამართლის სფეროში მუშაობის, სულ მცირე, 2-წლიანი გამოცდილება, უნდა ფლობდნენ კომპიუტერულ პროგრამებს (MS Office: Outlook, Word, Excel, PowerPoint).

კონკურსი რამდენიმე ეტაპად ჩატარდება. პირველ ჯერზე მოხდება შემოსული აპლიკაციებისა და განცხადებების გადარჩევა საკონკურსო მოთხოვნების შესაბამისად, მეორე ეტაპზე გასულმა კონკურსანტებმა წერილობითი ტესტირება უნდა გაიარონ ქართულ ენასა და უნარ-ჩვევებში, ამ  ეტაპის წარმატებით გადალახვის შემდეგ კი ჩატარდება გასაუბრება, რომლის ფარგლებშიც კონკურსანტებს ზეპირი დავალების შესრულება მოუწევთ. გამარჯვებულად ჩაითვლება ის კანდიდატი, რომელიც მიიღებს ყველაზე მაღალ ქულას, მაგრამ არანაკლებ 3 ქულისა (მაქსიმალური ქულაა 5).

ვაკანსიით დაინტერესებულებმა რეგისტრაცია უნდა გაიარონ და განაცხადი შეავსონ საჯარო სამსახურის ბიუროს საიტზე http://www.hr.gov.ge.  აქვე შეგიძლიათ ნახოთ გენერალური ინსპექციის საგამოძიებო და ოპერატიული სამმართველოს გამომძიებლის ფუნქცია-მოვალეობები,  საკვალიფიკაციო მოთხოვნები, წარსადგენი დოკუმენტაციების ჩამონათვალი, კონკურსის ჩატარების პროცედურა და სხვა დეტალები.

(NS)

ავტორი: ,

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა