გარემოს დაცვისა და სოფლის მეურნეობის მინისტრი ლევან დავითაშვილი, შინაგან საქმეთა სამინისტროს სასაზღვრო პოლიციის უფროსი თემურ კეკელიძე და მცხეთა-მთიანეთის სახელმწიფო რწმუნებული შალვა კერესელიძე შატილისა და არხოტის ხეობებს ესტუმრნენ.   მათ ადგილობრივ მცხოვრებლებს, რეინჯერებსა და მესაზღვრეებს დამდეგი შობა-ახალი წელი მიულოცეს და საახალწლო ნობათი და საჩუქრები გადასცეს. 
სასაზღვრო პოლიციის უფროსმა  სასაზღვრო სექტორი „შატილი“ მოინახულა, მესაზღვრეებს  სამსახურისთვის მადლობა გადაუხადა, წარმატებული წელი უსურვა და აღნიშნა, რომ მესაზღვრეების პირობების გაუმჯობესება მომდევნო წელს კვლავ მთავარი პრიორიტეტი იქნება. 
სასაზღვრო პოლიციის ვერტმფრენით,  ხელისუფლების წარმომადგენლებმა მოსახლეობას თურქეთის, აშშ-ის, საფრანგეთის, იტალიიას, იაპონიის, ლიტვის, უნგრეთის და ნიდერლანდების სამეფოს მიერ გამოგზავნილი საჩუქრებიც ჩაუტანეს. 
სასაზღვრო პოლიციის ვერტმფრენი შატილის სკოლა-პანსიონის მასწავლებლებსაც მოემსახურა და ისინი შატილიდან თბილისში გადმოიყვანა. არხოტისა და შატილის ხეობებში სასაზღვრო პოლიციის უფროსის   პირველი მოადგილე კახაბერ ჩიქოვანი და დუშეთის მუნიციპალიტეტის მერი ზურაბ სეხნიაშვილი იმყოფებოდნენ.

ავტორი: ,

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა