გოცირიძე - ქაოსია მთავრობაში, ფული გქონდეს და ვერ ხარჯავდე? ეს სერიოზული სისტემური პრობლემაა

2018-12-25 13:02:12, 1837 ნახვა

პოლიტიკა

„ელემენტარული ქაოსია მთავრობაში. წარმოგიდგენიათ, ფული გქონდეს და ვერ ხარჯავდე? ეს იმას ნიშნავს, რომ აქ არის ძალიან სერიოზული სისტემური პრობლემა“, - ამის შესახებ „ნაციონალური მოძრაობის“ ერთ-ერთმა ლიდერმა, რომან გოცირიძემ ჟურნალისტებს განუცხადა.

მისი განმარტებით ბიუჯეტი აუთვისებელია.

„4 დღეა დარჩენილი საბიუჯეტო ჩვენი წლის და დაახლოებით, მილიარდ 250 მილიონი ლარის არს დასახარჯი. ანუ ეს ის ფული, რომელიც უნდა მოხმარებოდა ეკონომიკას, სამუშაო ადგილების შექმნას, გზებს, სკოლები, ინფრასტრუქტურას და ა.შ. ელემენტარული ქაოსია მთავრობაში. წარმოგიდგენიათ, ფული გქონდეს და ვერ ხარჯავდე? ეს იმას ნიშნავს, რომ აქ არის ძალიან სერიოზული სისტემური პრობლემა. ერთადერთი, რაც გვესმის მთელი ამ ერთი წლის განმავლობაში ეს არის ე.წ. ჭარბვალიანობა, დაუხვევიათ ეს საკითხი. ამის გარდა, რაიმე იდეა მათ საერთოდ არ გააჩნიათ. როცა იდეა არ არის, ბუნებრივია, მისი განხორციელების არც გზები არსებობს და არც რესურსები. ამ გუნდით, რომელიც დღეს მთავრობაშია, კარგი იდეების შესრულებაც შეუძლებელია“, - აღნიშნა რომან გოცირიძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები