დედაქალაქის მთავარი ნაძვის ხე საზეიმოდ განათდა. პირველი რესპუბლიკის მოედანზე გამართული საახალწლო ღონისძიება საგანგებოდ ამ დღისთვის დადგმული წარმოდგენით  გაიხსნა,  რის შემდეგაც,  საქართველოს პრემიერ-მინისტრმა მამუკა ბახტაძემ და დედაქალაქის მერმა კახა კალაძემ მთავარი ნაძვის ხე ერთად აანთეს და შეკრებილ მოსახლეობას დამდეგი შობა-ახალი წელი მიულოცეს.

„მივესალმები სტუმრებს,  განსაკუთრებით  პატარებს, ჩვენს მომავალ თაობას.  მივესალმები, ემიგრაციაში მყოფ ჩვენს თანამემამულეებს, რომლებიც დღეს, მთელი სულით და გულით აქ, ჩვენთან ერთად არიან. ასევე, იმ ადამიანებს, ვისაც გულით უნდოდა და გარკვეული მიზეზების გამო ვერ შეძლეს ღონისძიებაზე დასწრება.

დღეს ჩვენ ვიმყოფებით პირველი რესპუბლიკის მოედანზე, სადაც საზეიმოდ ავანთეთ ქვეყნის მთავარი ნაძვის ხე. სწორედ აქ ერთიანდება ჩვენი სიხარული,  იმედები და   საახალწლო  ოცნებები.   წინასწარ გილოცავთ ყველას დამდეგ შობა-ახალი წელს. პირველ რიგში, სრულიად საქართველოს  მინდა ვუსურვო მშვიდობა, სულიერი სიშვიდე და, რა თქმა უნდა,  ბევრი წარმატება. ჩვენ ძალიან რთული გზა გამოვიარეთ,  იყო ბევრი პრობლემა,  მაგრამ  ბევრი კარგი საქმეც გაკეთდა, ბევრი რეფორმა განხორციელდა, თუმცა გამოწვევები ისევ არსებობს.  მე დარწმუნებული ვარ,  რომ ჩვენ ერთიანი ძალისხმევით, იმ შემართებით, სულისკვეთებითა და განწყობით, რაც დღეს აქ არის, შევძლებთ, ყველა გამოწვევას გავუმკლავდეთ და პრობლემები ერთად  მოვაგვაროთ. გისურვებთ ჯანმრთელობას და დღეგრძელობას.  გისურვებთ, რომ 2019 წელი  ჩვენი ქვეყნის თითოეული მოქალაქისთვის იყოს წარმატების, ბედნიერებისა და კეთილდღეობის მომტანი“, - განაცხადა კახა კალაძემ.

საახალწლო წარმოდგენაში „გადაეცი სიყვარული“ მონაწილეობდნენ სოფო გელოვანი, ნოდიკო ტატიშვილი, გიორგი ცაგარელი, გიორგი ალექსიძის სახელობის თბილისის თანამედროვე ბალეტი, მოძრაობის თეატრი, თბილისის მერიის „ტანვარჯიშის განვითარების სპორტული ცენტრი'',  თბილისის მერიის ალოიზ მიზანდარის სახელობის პირველი ხელოვნების სკოლის ბიჭუნათა კაპელა და ახალგაზრდული გუნდი. საახალწლო წარმოდგენის რეჟისორი ნიკოლოზ შველიძეა, ხოლო კომპოზიტორი - მიშა მდინარაძე. წარმოდგენას პირველად ჰყავდა სუდო თარჯიმანი.

ავტორი: ,

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა