გაერთიანებული ოპოზიციის საპროტესტო აქცია თბილისში, რუსთაველის გამზირზე გაგრძელდება.

ამ დროისთვის ოპოზიციის წარმომადგენლების ნაწილი გომბორის უღელტეხილზე იმყოფება, ხოლო ნაწილი თელავიდან უღელტეხილისკენ მიემართება, საიდანაც ისინი თბილისში გამოემგზავრებიან.

როგორც გაერთიანებული ოპოზიციის ერთ-ერთმა ლიდერმა, გიორგი ვაშაძემ განაცხადა, პოლიციამ მათ დღეს უკანონოდ ჩაუკეტა გზა და მშვიდობიანი აქციის გამართვაში ხელი შეუშალა.

„ჩამოვაყალიბებთ სამოქმედო გეგმას. დღეს რაც მოხდა, არის სრული ჩამოხსნა ფარდის, რომელიც ჰქონდა ქართულ ოცნებას. მათ აბსოლუტურად უკანონოდ შეგვიშალეს ხელი მშვიდობიან აქციაში. უკანონოდ ჩახერგეს გზა. გომბორზე რატომ დავდექით?!- აქ კიდევ ერთხელ გვინდა გაჩვენოთ,რომ აქედან უფრო მოკლეა თელავამდე, მაგრამ რადგანაც გვითხრეს წავედით გურჯაანის გზით და იქ გადაგვიკეტეს“, - განუცხადა „რუსთავი 2“-ს გიორგი ვაშაძემ.

თბილისში, პარლამენტის შენობასთან ოპოზიციის მხარდამჭერები უკვე იკრიბებიან. როგორც ისინი აცხადებენ, მთავარი მოთხოვნა კვლავ რიგგარეშე საპარლამენტო არჩევნების დანიშვნა იქნება.

შეგახსენებთ, დღეს გურჯაანში გაერთიანებული ოპოზიციის წარმომადგენლებსა და სამართალდამცველებს შორის ფიზიკური დაპირისპირება მოხდა. სამართალდამცველებს პრეზიდენტის ინაუგურაციასთან დაკავშირებით, თელავის მიმართულებით გზა გადაკეტილი ჰქონდათ და აქციის მონაწილეებს თელავში ჩასვლა ყვარლის გავლით შესთავაზეს, რაზეც მათგან უარი მიიღეს. ოპოზიციის წარმომადგენლებმა პოლიციის კორდონის გარღვევა რამდენჯერმე სცადეს. შსს-ს ინფორმაციით, მათ საპოლიციო ტრანსპორტი და ტექნიკა დააზიანეს. ამასთან, დაპირისპირებისას რამდენიმე ადამიანი დაშავდა.

ავტორი: ,

სოციალური ქსელები

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა

კიევში, რუსული დაბომბვის გამო, მეტრო და ტრამვაი ერთ კვირაში მეორედ გაჩერდა