პოლონეთის ქალაქ კატოვიცეში, გაეროს კლიმატის ცვლილების ჩარჩო კონვენციის მხარეთა რიგით 24-ე კონფერენცია გაიმართა, რომელშიც მონაწილეობა გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა მიიღო.

კონფერენციაზე სიტყვით გამოსვლისას, ნინო თანდილაშვილმა ხაზი გაუსვა კლიმატის ცვლილების ექსპერტთა სამთავრობათაშორისო საბჭოს მიერ მომზადებული სპეციალური ანგარიშის მნიშვნელობას და პარიზის შეთანხმების გლობალური მიზნის შესასრულებლად საქართველოს მიერ დაგეგმილი ინიციატივების და ღონისძიებების შესახებ ისაუბრა.

მინისტრის მოადგილე „გარემოს დაცვის ინტეგრირებული ჯგუფის” ფარგლებში, შვეიცარიის, ლიხტენშტეინის, სამხრეთ კორეის, მექსიკის და მონაკოს გარემოს დაცვის მინისტრებს შეხვდა. შეხვედრაზე  ქვეყნების მწვანე ეკონომიკის განვითარების საკითხები და აღნიშული მიმართულებით დაგეგმილი პოლიტიკა განიხილეს.

კონფერენციის ფარგლებში ნინო თანდილაშვილმა მონაწილეობა მიიღო ენერგეტიკული გაერთიანების, ენერგეტიკის და კლიმატის კომიტეტის შეხვედრაში, სადაც აღნიშნა, რომ ენერგეტიკის და კლიმატის სამოქმედო გეგმის შემუშავება საქართველოსთვის წარმოადგენს დამატებით შესაძლებლობას, გააძლიეროს დაბალემისიანი განვითარებისადმი სწრაფვა და ამ მიმართულებით ეკონომიკის განვითარება.

კონფერენციას სხვადასხვა ქვეყნის ლიდერები, ექსპერტები, კერძო და სამეცნიერო სექტორების მაღალი რანგის წარმომადგენლები ესწრებოდნენ.

(NS)

ავტორი: ,

სოციალური ქსელები

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა

კიევში, რუსული დაბომბვის გამო, მეტრო და ტრამვაი ერთ კვირაში მეორედ გაჩერდა