საქართველოს ეროვნული არქივის დელეგაცია ფინეთის ეროვნულ არქივს სტუმრობს. ეროვნული არქივის გენერალური დირექტორი თეონა იაშვილი ფინელ კოლეგას, ჯუსი ნოურტევას, შეხვდა, გაეცნო ფინეთის ეროვნული არქივის მუშაობას და საქართველოს შესახებ დაცული დოკუმენტების დედნებს.

ვიზიტის ფარგლებში ფინეთის არქივიდან საქართველოს ეროვნულ არქივს გადაეცა 1918-1919 წლებში ფინეთის საგარეო საქმეთა მინისტრ კარლ ენკელის პირად ფონდში დაცული დოკუმენტები დამოუკიდებელ საქართველოსა და ფინეთს შორის ურთიერთობის შესახებ, ასევე ფინელ დიპლომატ ჰერმან გუმერუსის  პირად ფონდში დაცული მიმოწერა საქართველოსა და უკრაინის დამოუკიდებლოს აღიარებაზე.

დელეგაციის წევრები - საქართველოს ეროვნული არქივის საინფორმაციო ტექნოლოგიების სამსახურისა და დაწესებულებების დოკუმენტების სამეცნიერო-ტექნიკური დამუშავების განყოფილების წარმომადგენლები ფინეთის არქივის პრაქტიკას ეცნობიან და სასწავლო სემინარში მონაწილეობენ.

ფინეთისა და საქართველოს ეროვნულ არქივებს შორის არსებობს ურთიერთთანამშრომლობის მემორანდუმი, რომლის საფუძველზეც არქივებმა დოკუმენტების ელექტრონული ასლები დღემდეც არაერთხელ გაცვალეს.

(NS)

ავტორი: ,

სოციალური ქსელები

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა

კიევში, რუსული დაბომბვის გამო, მეტრო და ტრამვაი ერთ კვირაში მეორედ გაჩერდა