მიწის სისტემური რეგისტრაციის საპილოტო პროექტის ფარგლებში მსოფლიო ბანკის მისიის ექსპერტებთან სამუშაო შეხვედრა გაიმართა.  

მისიის წარმომადგენლებს  საჯარო რეესტრის ეროვნული სააგენტოს თავმჯდომარის მოვალეობის შემსრულებელი ივანე ცარციძე და მიწის სისტემური რეგისტრაციის საპილოტო  პროექტის მენეჯერი  ელენე გრიგოლია შეხვდნენ. შეხვედრაში  საჯარო რეესტრის ეროვნული სააგენტოს წარმომადგენლებთან ერთად საქართველოს გარემოს დაცვისა და სოფლის მეურნეობის სამინისტროს, პროექტში ჩართული მუნიციპალიტეტებისა და კერძო კომპანიები წარმომადგენლები მონაწილეობდნენ. 

სამუშაო შეხვედრაზე ელენე გრიგოლიამ   საპილოტო არეალებზე დასრულებულ და მიმდინარე საველე სამუშაოებზე,   სარეგისტრაციო დოკუმენტების მოძიება-სისტემატიზაციაზე,   ხარისხის კონტროლის პროცედურებზე,  დაინტერესებული მხარეების ინფორმირებაზე და საპილოტო პროექტთან დაკავშირებულ სხვა საკითხებზე ისაუბრა.  

"დღეს პროექტში  ჩართულ მხარეებს  პროექტის შუალედური შედეგები გავაცანით და  მიწების სისტემური რეგისტრაციის მთელი ქვეყნის მასშტაბით განზოგადების ხედვა განვიხილეთ. ასევე, მოვისმინეთ ის რეკომენდაციები, რაც რეგისტრაციის სტრატეგიისა და საკანონმდებლო აქტების შემუშავების პროცესში მნიშვნელოვანია“, - აღნიშნა ელენე გრიგოლიამ.

სამუშაო შეხვედრაზე პროექტის მონიტორინგისა და შეფასების გეგმა და პროექტის საბაზისო კვლევის შედეგებიც იქნა წარმოდგენილი. შეხვედრის დასასრულს,  მხარეებმა პროექტის პრიორიტეტებზე, სამომავლო გეგმებზე და საჭირო რესურსებზე იმსჯელეს.

(NS)

ავტორი: ,

სოციალური ქსელები

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა

კიევში, რუსული დაბომბვის გამო, მეტრო და ტრამვაი ერთ კვირაში მეორედ გაჩერდა

აშშ-მ და უკრაინამ მაიამიში მიმდინარე მოლაპარაკებები შეაჩერეს

სტიყვები რომელიც რეჟიმმა მედიას აუკრძალა - „ ექსპრესნიუსი“ ყველა დაცენზორებულ სიტყვას გამოიყენებს