3 დეკემბერი შეზღუდული შესაძლებლობის მქონე პირთა უფლებების დაცვის საერთაშორისო დღეა. „ხელმისაწვდომი პარლამენტი ყველასათვის" - საქართველოს პარლამენტში აღნიშნული პროექტი წარმატებით ხორციელდება, რაც მობილობისა და მხედველობის შეზღუდვის მქონე პირებს პარლამენტის თბილისის შენობაში გადაადგილებას გაუადვილებს.

ადაპტირების გეგმის ფარგლებში დამონტაჟდა ელექტრო ამწე პლატფორმები, გაიხსნა ადაპტირებული სანიტარული კვანძები, შეზღუდული შესაძლებლობების მქონე პირებისათვის შეძენილია საევაკუაციო ეტლები და გადასაადგილებელი ელექტრო ეტლები, მიმდინარეობს ტაქტიკური ბილიკებისა და საფეხურების ანტისლიპებით მოწყობა. ამავე გეგმის მიხედვით, ადაპტირებული იქნება პარლამენტის საშვთა ბიურო და ასევე, მხედველობის შეზღუდვის მქონე პირებისთვის მოეწყობა ოთახი, სადაც სპეციალური მოწყობილობის საშუალებით მათ კომპიუტერთან წვდომის შესაძლებლობა ექნებათ. აღსანიშნავია, რომ ამ სერვისით სარგებლობის შესაძლებელი ნებისმიერ გარეშე პირს შეეძლება. მხედველობის შეზღუდვის მქონე პირებისთვის მიმდინარეობს მუშაობა ნავიგაციის სისტემის შექმნაზე.

ადაპტირების გეგმა მიმდინარე წლის ბოლოს დასრულება, თუმცა აღნიშნული პროცესი მომავალშიც გაგრძელდება და ამ მიმართულებით ინოვაციური პროექტები საქართველოს პარლამენტში მუდმივად დაინერგება.

„ხელმისაწვდომი პარლამენტი ყველასათვის" - გეგმის განხორციელება ეხმიანება საქართველოს კონსტიტუციის ახალი რედაქციით დამკვიდრებულ ახალ ნორმას, რომლის მიხედვით სახელმწიფო, შეზღუდული შესაძლებლობის მქონე პირთა უფლებებისა და ინტერესების რეალიზებისთვის განსაკუთრებული პირობების შექმნის ვალდებულებას იღებს.

ხელმისაწვდომი პარლამენტი 2015 წელს მიღებული ღია პარლამენტის სამოქმედო გეგმის ნაწილია, რომელიც ღია მმართველობის პარტნიორობისა (OGP) და საპარლამენტო ღიაობის დეკლარაციის პრინციპებს ეყრდნობა.

პარლამენტის თბილისის შენობის ადაპტირების გეგმა შემუშავებულია საქართველოს პარლამენტის მიერ არასამთავრობო ორგანიზაცია „მარიანი"-სთან ერთად. ინიციატივის მხარდამჭერები არიან ევროკავშირი (EU) და გაეროს განვითარების პროგრამა (UNDP), ინფორმაციის თავისუფლების განვითარების ინსტიტუტთან (IDFI) თანამშრომლობით.

ავტორი: ,

სოციალური ქსელები

სტიყვები რომელიც რეჟიმმა მედიას აუკრძალა - „ ექსპრესნიუსი“ ყველა დაცენზორებულ სიტყვას გამოიყენებს

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ

კობახიძე - ორმაგი სტანდარტებით გამოირჩევა ევროპული ბიუროკრატია

კობახიძე გამოუვალ მდგომარეობაზე - ზედიზედ მეორედ მიიწვიეს ისეთი შემსრულებელი, რომელიც გამოირჩევა ჩვენი მხარდამჭერების მიმართ შეურაცხმყოფელი განცხადებებით