პოლონელი ბიზნესმენი, ვარშავაში პოპულარული რესტორნის მფლობელი და საქართველოს ძველი მეგობარი, მარიუშ არტურ ნაპორა, საკუთარ ფეისბუქ გვერდზე მეგობრებს და საზოგადო მოღვაწეებს თბილისში სტიქიით დაზარალებულთა დასახმარებლად საქველმოქმედო აუქციონის ჩატარებისკენ მოუწოდებს. 

ინფორმაციას საქართველოს საგარეო საქმეთა სამინისტრო ავრცელებს. 

„დღეს შევიტყვე თბილისში (საქართველო) მომხდარი წყალდიდობის შესახებ. ხალხი დაიღუპა.., საქართველოს, რომელიც ისედაც არ გახლავთ მსოფლიოს უმდიდრესი ქვეყანა, უდიდესი მატერიალური ზარალი მიადგა. რა ვითარებაშიც არ უნდა ვიყოთ, მოდით დავეხმაროთ მათ, ვისაც ეს სჭირდება, იმ მცირე შესაძლებლობებით, რაც გაგვაჩნია". იგი მეგობრებს მიმართავს, რომ აუქციონზე რაიმე ღირებული ნივთების გამოიტანონ, ხოლო შემოსული თანხები, პოლონეთში საქართველოს ელჩს ოფიციალურად გადაეცემა, თბილისში დაზარალებულთათვის გასაგზავნად. ამ მიზნით, მარიუშ არტურ ნაპორა, საკუთარ რესტორანში სპეციალური ქართული საქველმოქმედო საღამოს გამართვის ინიციატივით გამოდის. „თბილისში მე ჩემი გული დავტოვე (სამუდამოდ)" - აცხადებს პოლონელი ბიზნესმენი.
 
ამასთან, უწყების ცნობით,  პოლონეთში საქართველოს საელჩოს დატრიალებული ტრაგედიის გამო სამძიმარი გამოუცხადა პოლონეთის სეიმში პოლონეთ-საქართველოს საპარლამენტო მეგობრობის ჯგუფის თავმჯდომარემ, დეპუტატმა  მიხალ შჩერბამ. ელჩისადმი მიწერილ წერილში დეპუტატი  საქართველოს მოსახლეობას სამძიმარს უცხადებს.

ცნობისთვის, წუხელ, ძლიერი წვიმის შედეგად, დედაქალაქის რამოდენიმე ქუჩა დაიტბორა. გმირთა მოედნიდან ე.წ. მშრალ ხიდამდე გზის საფარი დაზიანდა. მძიმე ვითარებაა ვაკისა და საბურთალოს რაიონებში, მდინარე ვერეს მიმდებარე ტერიტორიაზე, სადაც ადიდებულმა მდინარე ვერემ ვაკე-საბურთალოს ახალი გზა სრულად დატბორა. დაიტბორა ასევე ზოოპარკის ტერიტორია, წყნეთი-ბეთანიის გზაზე ჩამოწვა მეწყერი. სტიქიის შედეგად, ბოლო ინფორმაციით, 12 ადამიანია დაღუპული. მათ შორის არიან მაშველები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით