11:39 - 18 Nov, 2026
ჩვენ შესახებ რეკლამა/ხელმოწერა
2018-11-30 16:33:52, 2581 ნახვა

ეკონომიკა
ჩიქოვანი: ეკონომიკური ზრდა პოზიტიური გზავნილია როგორც ადგილობრივი, ასევე საერთაშორისო ინვესტორებისთვის

საქართველოს სავაჭრო-სამრეწველო პალატის პრეზიდენტის ნინო ჩიქოვანის განცხადებით, 2018 წლის ოქტომბერში ეკონომიკის ზრდამ 6,7 პროცენტით რამდენიმე ფაქტორმა გამოიწვია, რომელთა შორის ერთ-ერთი ცენტრალურია საქართველოს მთავრობის მიერ განხორციელებული რეფორმები საგადასახადო - საბაჟო კანონმდებლობის დახვეწისა და მათი უფრო მეტად ლიბერალიზაციის მიმართულებით. ნინო ჩიქოვანის განცხადებით, ასევე აღსანიშნავია საანგარიშო პერიოდში შემოსავლების ზრდა ტურიზმის სექტორიდან, რომელმაც 14,1 პროცენტი შეადგინა; ასევე რეგისტრირებული საწარმოების ბრუნვის ზრდა 13,9 პროცენტით; საგარეო ვაჭრობის კუთხით გაუმჯობესება, კერძოდ, ექსპორტის ზრდა 15 პროცენტით. 

სავაჭრო-სამრეწველო პალატის პრეზიდენტის განცხადებით, საქართველოში მიმდინარე ეკონომიკური რეფორმები მიმართულია საგარეო ფაქტორებისადმი ქვეყნის ეკონომიკის მდგრადობის და რეზისტენტობის გაზრდისკენ, აქედან გამომდინარე, შესაბამისი ეკონომიკური ზრდის მაჩვენებლის ზრდაც უფრო  იწვევს ხელს უწყობს ამ რეზისტენტობას და მდგრადობას.

„2018 წლის 10 თვის მაჩვენებლით, ეკონომიკური ზრდა 5.1 პროცენტით გაიზარდა, რაც კარგი მაჩვენებელია. გამომდინარე იქიდან, რომ საქართველოს ეკონომიკური ზრდის პროგნოზი 2018 წლისათვის 5 პროცენტია, ეს არის პოზიტიური გზავნილი როგორც ადგილობრივი, ასევე საერთაშორისო ინვესტორებისთვის, რომ ქვეყანაში მიმდინარე ეკონომიკური მდგომარეობა არის სტაბილურად მზარდი. აღნიშნული ტრენდი ჩვენ ძალიან გვეხმარება საერთაშორისო პარტნიორებთან დიალოგში, რადგან მათ ინტერესშია თანამშრომლობა ისეთ ქვეყანასთან, რომლის ეკონომიკური პოლიტიკა მიმართულია სტაბილურობისა და მდგრადი განვითარებისკენ“, - განაცხადა საქართველოს სავაჭრო-სამრეწველო პალატის პრეზიდენტმა. 

ნინო ჩიქოვანის განცხადებით, ასევე მნიშვნელოვანია ის გარემოება, რომ ეკონომიკის ზრდა დივერსიფიცირებულია, ამასთან, სექტორებში, სადაც წინა თვეებში იყო ზრდის ნელი ტემპი ან ჩავარდნა, შესაძლებელი გახდა მეტი ინვესტიციის მოზიდვა და ამით ეკონომიკური ზრდის ტემპზე პოზიტიური გავლენის მოხდენა.

 

(NS)





ავტორი: ,


სოციალური ქსელები
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics