რომში გია ყანჩელის მუსიკისადმი მიძღვნილი ღონისძიება გაიმართა

2018-11-29 16:36:25, 5806 ნახვა

კულტურა

საქართველოს საელჩოს ორგანიზებით, რომში, ველაბროს წმინდა გიორგის ტაძარში ქართველი კომპოზიტორის გია ყანჩელის მუსიკა შესრულდა.

გია ყანჩელის ნაწარმოებები იტალიელმა მუსიკოსებმა, პიანისტმა ალესანდრო სტელამ და ფლეიტისტმა მაურო კონტიმ შეასრულეს.

წმინდა საყდართან საქართველოს საელჩოს ორგანიზებით გამართულ კონცერტზე მოწვეულ სტუმრებს მისასალმებელი სიტყვით მიმართეს კულტურის საბჭოს პრეზიდენტმა კარდინალი ჯანფრანკო რავაზიმ და კომპოზიტორმა ნიკოლა სანიმ,რომელმაც გია ყანჩელის მუსიკის შესახებ ისაუბრა.

კონცერტს, რომელზეც პირველად შესრულდა ფორტეპიანოსა და ფლეიტისთვის შექმნილი ნაწარმოები 'Ninna Nanna per Anna', ესწრებოდნენ წმინდა საყდართან აკრედიტებული დიპლომატიური კორპუსის წარმომადგენლები, რომის კურიის წევრები და სხვა სტუმრები.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები