2018-11-28 16:18:51, 1108 ნახვა
პოლიტიკა
კოორდინატორმა On.ge-ს ჟურნალისტს სიტყვიერი და ფიზიკური შეურაცხყოფა მიაყენა [ვიდეო]
თბილისში, ლუბლიანას ქუჩაზე, ერთ-ერთ საარჩევნო უბანზე კოორდინატორმა On.ge-ს ჟურნალისტს, სალომე ჩადუნელს სიტყვიერი და ფიზიკური შეურაცხყოფა მიაყენა.
ქალბატონი ჟურნალისტის კითხვებმა გააღიზიანა.
On.ge-იმ ინციდენტის ამსახველი ვიდეოც გაავრცელა, სადაც ისმის, ჟურნალისტი როგორ ცდილობს კოორდინატორისგან სიების შესახებ ინფორმაციის მოპოვებას. ამ დროს ადგილზე სხვა კოორდინატორი ჩნდება. ის ჟურნალისტს სიტყვიერ შეურაცხყოფას აყენებს, შემდეგ კი, ხელსაც ურტყამს.
ცნობისთვის, მეორე ტურის მიმდინარეობის დროს ეს ჟურნალისტების ფიზიკური შეურაცხყოფის პირველი შემთხვევა არ არის. დღეს დილით გლდანში მდებარე ერთ-ერთ საარჩევნო უბანთან ფიზიკური შეურაცხყოფა "ტვ პირველის" ჟურნალისტსაც მიაყენეს.
![]()
ავტორი: ,
epn.ge (@expressnews.ge)
