ცენტრალური საარჩევნო კომისიის გადაწყვეტილებით, უცხოეთში მცხოვრებ საქართველოს მოქალაქეებს 2018 წლის საპრეზიდენტო არჩევნების მეორე ტურისთვის საკუთარი არჩევანის დაფიქსირება ღამის 12:00 საათამდე შეეძლება. 

აღნიშნული გადაწყვეტილება ცესკო-ს წევრებმა მას შემდეგ მიიღეს, რაც არჩევნების თარიღად 28 ნოემბერი, ოთხშაბათი დასახელდა, რადგან საზღვარგარეთ მცხოვრებლებისთვის ეს დღე არ არის უქმე.

რაც შეეხება ავღანეთში არსებულ ორ საარჩევნო უბანს, სამხედრო მოსამსახურეებს, საკუთარი არჩევანის დაფიქსირება 26 ნოემბერს შეეძლებათ.

ცნობისთვის, არჩევნების 28 ნოემბერს ჩატარებას ცესკო-ს 10-მა წევრმა დაუჭირა მხარი. 

შეგახსენებთ, არჩევნების მეორე ტურის დანიშვნის საჭიროება მას შემდეგ დადგა, რაც პირველ ტურში ამომრჩეველთა ხმების 50% ვერც ერთმა საპრეზიდენტო კანდიდატმა ვერ მოაგროვა. პირველ ადგილზე გასულმა პრეზიდენტობის დამოუკიდებელმა კანდიდატმა სალომე ზურაბიშვილმა ამომრჩეველთა ხმების 38,64% მიიღო, ხოლო გაერთიანებული ოპოზიციის კანდიდატმა გრიგოლ ვაშაძემ - 37,73%. სწორედ ისინი იღებენ მონაწილეობას არჩევნების მეორე ტურში.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს