„ქართული ოცნება ცდილობს, მეტი გადასახადები დააკისროს მოქალაქეებს“, - ასე გამოეხმაურა „ევროპული საქართველოს“ წევრი ზურაბ ჭიაბერაშვილი „ქართული ოცნების“ ინიციატივას - მნიშვნელოვნად გაზარდოს კომუნალური გადასახადები ბინის გამქირავებლებთან დაკავიშირებით.

როგორც ჭიაბერაშვილი facebook-ის საკუთარ გვერდზე წერს, „ევროპულმა საქართველომ“ დაარეგისტრირა კანონპროექტი, რომელიც ბინის გამქირავებლისთვის მიკრო მეწარმის სტატუსის მინიჭებას ისახავს მიზნად.

 ცოტა ხნის წინ გააჟღერეს იდეა, რომ გაქირავებულ ბინებში კომუნალური გადასახადები კომერციული იყოს და არა სამომხმარებლო. ეს ნიშნავს, რომ ათიათასობით ოჯახს, რომელსაც თავი ბინის გაქირავებით გააქვს ამ საყოველთაო გაჭირვებაში, მეტი ფული ამოაცალო ჯიბიდან. არადა რა მნიშვნელობა აქვს, იმ ბინაში დენს, გაზსა თუ წყალს ბინის მეპატრონე მოიხმარს თუ ჩამოსული ტურისტი?

მთავრობის მორიგი მავლებლობის საპასუხოდ, „ევროპულმა საქართველომ“ დაარეგისტრირა კანონპროექტი, რომელიც ბინის გამქირავებლისთვის მიკრო მეწარმის სტატუსის მინიჭებას ისახავს მიზნად. ამით ბინის ყველა გაქმირავებელს, ვისი წლიური შემოსავალი ბინის გაქირავებიდან არ აღემატება 30,000 ლარს, გავათავისუფლებთ იმ 5%-იანი გადასახადიდან, რომელსაც ისინი თავისი ბინის საცხოვრებლად გაქირავებისთვის იხდიან.

(შარშან ჩვენ ვცადეთ, ასევე 5%-იან ზღვარზე ჩამოგვეყვანა ბინის იურიდიულ პირზე გაქირავების 20%-იანი დაბეგვრაც, მაგრამ „ოცნებამ“ ჩააგდო ჩვენი კანონპროექტი).

ცალკე დავიწყებთ სემეკში განხილვას, რომ კომუნალური ტარიფები გაქირავებულ ბინებში სამომხმარებლო დონეზე დარჩეს და კომერციულზე არ გადავიდეს.

ჩვენი არგუმენტია: ეს ადამიანები არ ეწევიან კომერციას. ისინი ინახავენ თავს ბინის გაქირავებით, მათ თავი გააქვთ ამ საყოველთაო გაჭირვებაში. შესაბამისად, მთავრობა მათ რაც უფრო ნაკლებად შეეხება, მით უფრო მარტივად იცხოვრებს ეს ხალხი“,  - წერს ზურაბ ჭიაბერაშვილი.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს