აჭარის ჯანდაცვის მინისტრი ქობულეთში მცხოვრებ ვეტერანებს შეხვდა

2018-11-07 20:14:18, 585 ნახვა

რეგიონი

დღეს, აჭარის ჯანდაცვის მინისტრი - ზაალ მიქელაძე, ქობულეთის მუნიციპალიტეტის მერი - მირიან ქათამაძე, ქობულეთის მაჟორიტარი დეპუტატი საქართველოს პარლამენტში - კობა ნაკაიძე, აჭარის ა/რ უმაღლესი საბჭოს დეპუტატი - გიორგი რომანაძე და სსიპ - ვეტერანების საქმეთა სახელმწიფო სამსახურის აჭარის ა/რ სამმართველოს უფროსი - შოთა ყიფიანი ქობულეთის მუნიციპალიტეტში მცხოვრებ ვეტერანებს შეხვდნენ.

შეხვედრაზე მთავრობის წარმომადგენლებმა ისაუბრეს პროგრამებზე, რომლებიც ვეტერანებისთვის ხორციელდება. ყურადღება გაამახვილეს 2019 წლის ბიუჯეტში გასათვალისწინებელ საკითხებზეც და მოისმინეს ვეტერანების მოსაზრებები.

ვეტერანებმა ძირითადი აქცენტი გააკეთეს მედიკამენტებით უზრუნველყოფის საკითხებზე, საზოგადოებრივი ტრანსპორტით სარგებლობის შეღავათებზე, სოციალურ დახმარებებსა და გაზიფიცირების პროგრამის ამოქმედებაზე. ↘️ ომის ვეტერანები, ტერიტორიული მთლიანობისათვის ომში მონაწილეები და ომში დაღუპულთა ოჯახის წევრები, აჭარის ა/რ ჯანმრთელობისა და სოციალური დაცვის სამინისტროს სხვადასხვა პროგრამების ბენეფიციარები არიან.

მათ შეუძლიათ ისარგებლონ შემდეგი პროგრამებით:

✔ „გულის ქირურგიის დამატებითი სამედიცინო მომახურება“

✔„ინდივიდუალური სამედიცინო დახმარება“

✔ „მაღალტექნოლოგიური დიაგნოსტიკური კვლევა“

✔ „სახსრების ენდოპროთეზირება“

✔ "ავთვისებიანი სიმსივნით დაავადებულ პაციენტთა დამატებითი სამედიცინო მომსახურება"

✔ "მოზრდილი მოსახლეობის სამედიცინო რეაბილიტაცია"

✔ "მოსახლეობის საზღვარგარეთ მკურნალობის თანადაფინანსება"

✔ „2008 წლის რუსული აგრესიის დროს დაღუპულ, დაზიანების შედეგად შეზღუდული შესაძლებლობის მქონე და 2012 წელს ავღანეთში დაღუპულ მეომართა ოჯახების დახმარება“ ✔️ "სმენადაქვეითებულ მოქალაქეთა სმენის აპარატებით უზრუნველყოფა"

✔ "შშმ პირთა და ხანდაზმულთა გადაადგილების საშუალებებით უზრუნველყოფა"

✔ "შშმ და ხანდაზმულ პირთა სხვა დამხმარე საშუალებებით უზრუნველყოფა"

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები