2018-11-04 13:37:08, 1669 ნახვა
პოლიტიკა
ვერის ბაღში აქცია #არამიშას იმართება
ვერის ბაღში, სამოქალაქო აქტივისტა ჯგუფი მართავს აქციას #არანაცებს #არამიშას. აქციაზე ასეულობით ადამიანი იმყოფება. ორგანიზატორები აცხადებენ, რომ დაუშვებელია "ნაციონალური მოძრაობის" ხელისუფლებაში მობრუნება.
აქციის მონაწილები წარმოდგენილნი იქნებიან მაისურებით, რომელსაც კომპანია “პალიტრა არტიმა” დაამზადა წარწერით #არამიშას.
აქციის ერთ-ერთმა ორგანიზატორმა შაკო კუჭაშვილმა "ექსპრესნიუსს" უთხრა, რომ ეს არის გამოსაფხიზლებელი აქცია.
"ჩვენი მიზანი წინა ხელისუფლების, კერძოდ, “ნაციონალური მოძრაობის” მიმართ გამოხატული პროტესტია, ეს არის პროტესტი ხალხისა რომელსაც არუნდა სისტემის საზღვრების გაფართოვება, პროტესტი ხალხისა რომელსაც არ უნდა რეჟიმის ქვეშ ცხოვრება!
ეს არის გამოსაფხიზლებელი აქცია, ახალგაზრდები ვირჩევთ ღირსეულ მომავალს და უარს ვეუბნებით წარსულში დაბრუნებას" - განაცხადა შაკო კუჭაშვილმა.
![]()
ავტორი: ,
epn.ge (@expressnews.ge)
