მეზღვაურთა სამედიცინო ცენტრში ყოფილ პატიმრებს, პრობაციონერებსა და პატიმრის ოჯახის წევრებს უფასო გამოკვლევა ჩაუტარდათ

2018-11-02 16:03:48, 675 ნახვა

რეგიონი

მეზღვაურთა სამედიცინო ცენტრში ყოფილ პატიმრებს, პრობაციონერებსა და პატიმრის ოჯახის წევრებს უფასო ოფთალმოლოგიური გამოკვლევა ჩაუტარდათ.

აქცია „დემოკრატიის ინსტიტუტის“ ინიციატივითა და აჭარის ავტონომიური რესპუბლიკის ჯანმრთელობისა და სოციალური დაცვის სამინისტროსა და „მეზღვაურთა სამედიცინო ცენტრი 2010-ის“ მახარდაჭერით გაიმართა.

აჭარის ჯანდაცვის სამინისტროს ცნობით, საჭიროების შემთხვევაში ბენეფიცირებს დამატებითი სამედიცინო მომსახურება სახელმწიფო პროგრამების ფარგლებში დაუფინანსდებათ.

ექიმ-ოფთალმოლოგის მიერ დანიშნულ მედიკამენტებსა და სათვალეს დემოკრატიის ინსტიტუტი “ყოფილი პატიმრების, პატიმართა ოჯახებისა და პრობაციონერების მხარდაჭერის პროგრამის“ ფარგლებში შეიძენს.

მსგავსი სამედიცინო აქცია ყოფილი პატიმრებისთვის გურიაში, სამეგრელო-ზემო სვანეთსა და იმერეთშიც იგეგმება. ყოფილი პატიმრების გაძლიერების პროექტს ევროკავშირის მხარდაჭერით ახორციელებს „დემოკრატიის ინსტიტუტი“, „გურიის ახალგაზრდული რესურსცენტრი“, „თანაზიარი“ და ფონდი „აფხაზინტერკონტი“. პროექტით გათვალისწინებული საქმიანობები აღნიშნულ რეგიონებში, ყოფილი პატიმრების, პატიმართა ოჯახის წევრებისა და პრობაციონერების რესოციალიზაციას ითვალისწინებს.

რესოციალიზაციის პროგრამის აქტიური მხარდამჭერია აჭარის არ ჯანმრთელობისა და სოციალური დაცვის სამინისტრო. უფასო სამედიცინო აქცია ყოფილი პატიმრებისთვის სამინისტროს მხარდაჭერით გასულ წელსაც ჩატარდა.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები