|
2018-10-30 20:42:51, 1571 ნახვა
ეკონომიკა
გიორგი ქობულია - თურქეთის ბიზნესის მხრიდან საქართველოსადმი ინტერესი დიდია
თურქეთში ვიზიტის ფარგლებში, ეკონომიკისა და მდგრადი განვითარების მინისტრი გიორგი ქობულია თურქეთის უმსხვილესი ბიზნეს გაერთიანების - საგარეო-ეკონომიკური ურთიერთობების საბჭოს (DEIK) პრეზიდენტს ნაილ ოლფაქს შეხვდა. ეკონომიკის სამინისტროს ცნობით, შეხვედრაზე მხარეებმა ორმხრივი სავაჭრო-ეკონომიკური ურთიერთობები და საინვესტიციო სფეროში თანამშრომლობის საკითხები განიხილეს. აღინიშნა, რომ თურქეთი საქართველოს ერთ-ერთი უმსხვილესი ინვესტორია. თურქული ინვესტიციები განხორციელებულია ისეთ სექტორებში, როგორიცაა ენერგეტიკა, უძრავი ქონება, მშენებლობა, ტელეკომუნიკაცია, სასტუმროებისა და ტურიზმის სექტორი, ტრანსპორტი და სხვ. ამავე დროს, როგორც შეხვედრაზე ხაზი გაესვა, ქართული მხარე მზადყოფნას გამოხატავს გააღრმაოს საქართველო - თურქეთის პარტნიორული ურთიერთობები და სთავაზობს მიმზიდველ საინვესტიციო შესაძლებლობებს სხვადასხვა საინვესტიციო სექტორებში. ორმხრივ შეხვედრას ასევე დაესწრნენ საქართველოს ეკონომიკისა და მდგრადი განვითარების მინისტრის მოადგილე გენადი არველაძე, საქართველოს ელჩი თურქეთში გიორგი ჯანჯღავა, თურქეთ-საქართველოს ბიზნეს საბჭოს თავმჯდომარე ჯემალ იანგინი. ორმხრივი შეხვედრის შემდეგ, საქართველოს ეკონომიკისა და მდგრადი განვითარების მინისტრი DEIK-ის წევრ კომპანიებს შეხვდა, რომელთაც ან აქვთ ბიზნესი საქართველოში, ან გეგმავენ ინვესტიციის განხორციელებას. „თურქეთის საქმიანი წრეების მხრიდან ინტერესი საქართველოს ეკონომიკისადმი ძალიან დიდია. ამავე დროს, მათ დასვეს საკმაოდ მწვავე შეკითხვები, რომლებიც მათ აინტერესებთ საქართველოში ბიზნესის წარმოების კუთხით. ჩვენ ამ საკითხებს დეტალურად შევისწავლით და ამის გარანტია მივეცით. თურქი ბიზნესმენები საქართველოში ჩამოსვლას აპირებენ. მიგვაჩნია, რომ ამით გვექნება კიდევ ერთი დამატებითი შესაძლებლობა, თურქული ინვესტიციების ხარჯზე საექსპორტო სექტორებიც გავზარდოთ“, - განაცხადა ეკონომიკისა და მდგრადი განვითარების მინისტრმა გიორგი ქობულიამ.
(NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





