საქართველოს გარემოს დაცვისა და სოფლის მეურნეობის სამინისტროში საქართველოს რვა მუნიციპალიტეტის ადგილობრივი განვითარების ჯგუფების (LAG), საქართველოს ადგილობრივი განვითარების ჯგუფების ასოციაციისა (GALAG) და ევროკავშირის პარტნიორი არასამთავრობო ორგანიზაციების 30-ზე მეტმა წარმომადგენელმა სოფლის განვითარების თემაზე გამართულ სამუშაო შეხვედრაში მიიღო მონაწილეობა.

შეხვედრას გარემოს დაცვისა და სოფლის მეურნეობის მინისტრის მოადგილე გიორგი ხანიშვილი ესწრებოდა.

შეხვედრაზე მინისტრის მოადგილემ დონორ ორგანიზაციებს მადლობა გადაუხადა მხარდაჭერისთვის და აღნიშნა, რომ ადგილობრივი განვითარების ჯგუფები უმნიშვნელოვანესი რესურსია სოფლის განვითარების საქმეში, რადგან მათი საქმიანობა მოსახლეობის მათ შორის ქალებისა და ახალგაზრდობის, უშუალო ჩართულობას და აქტიურ მონაწილეობას ემსახურება.

შეხვედრაზე ადგილობრივი განვითარების ჯგუფებმა, სოფლის მოსახლეობის კეთილდღეობის ზრდის კონტექსტში, მიმდინარე საქმიანობაზე ისაუბრეს. ყურადღება გამახვილდა სოფლის განვითარების სოციალურ, ეკონომიკურ და გარემოსდაცვით საკითხებზე.

შეხვედრის ინიციატორები იყვნენ საქართველოს გარემოს დაცვისა და სოფლის მეურნეობის სამინისტრო და საქართველოს სოფლის  განვითარების ქსელი (GRDN), ხოლო მხარდამჭერები - ევროკავშირი (EU) და გაეროს განვითარების პროგრამა (UNDP).

(NS)

ავტორი: ,

სოციალური ქსელები

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით

500 Global in Eurasia-ს მეათე ნაკადის დემო დღე 25 ივნისს გაიმართება