პოლონეთში მინისტრთა კაბინეტის სამმა მინისტრმა და პარლამენტის თავმჯდომარემ თანამდებობები დატოვეს.

მაღალჩინოსნების მიერ პოსტების დატოვება ფარული ჩანაწერების სკანდალს უკავშირდება.

პარლამენტის სპიკერმა რადოსლავ სიკორსკიმ, ჯანდაცვის, სახელმწიფო ხაზინისა და სპორტის მინისტრებმა განაცხადეს, რომ თანამდებობიდან ისინი მმართველი პარტიის, სამოქალაქო პლატფორმის ინტერესების გამო გადადგნენ.

პოლონეთის მაღალჩინოსნები ვარშავის ერთ-ერთ რესტორანში ფარულად ჩაწერეს. ჩანაწერებში მათ მიერ მსოფლიო ლიდერებისა და ადგილობრივი პოლიტიკოსების მისამართით გაკეთებული კომენტარები ისმის. 

ერთ-ერთ ჩანაწერში რადოსლავ სიკორსკი, რომელიც მაშინ საგარეო საქმეთა მინისტრი იყო, ბრიტანეთის პრემიერს დევიდ ქემერონს ევროკავშირის საქმეების მოგვარებაში "არაკომპენტენტურს" უწოდებს. ის ასევე აღნიშნავს, რომ ვარშავის აშშ-სთან კავშირი არაფრის მომტანია.

ასევე, გავრცელებულ ფარული ჩანაწერებში მაშინდელი შინაგან საქმეთა მინისტრი, ბართლომეი სენკევიჩი ამბობს, რომ საჭირო იყო ქვეყნის ცენტრალური ბანკის თავმჯომარისთვის მიმართვა, რათა მთავრობას არჩევნებში გამარჯვებაში დახმარებოდა.

აღნიშნული ჩანაწერები ერთ-ერთმა პოლონურმა გაზეთმა გამოაქვეყნა, რასაც მოსახლეობის გაღიზიანება მოჰყვა.

აღსანიშნავია, რომ პოლონეთში საპარლამენტო არჩევნები ოქტომბერშია დაგეგმილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა

უკრაინელი და ქართველი ადამიანის უფლებათა დამცველი ალექსანდრა დელემენჩუკი გარდაიცვალა