თბილისის საკრებულოში გამართულ სხდომაზე საბავშვო ბაღებში ბავშვების რეგისტრაციის თემამ დეპუტატებს შორის დაპირისპირება და კამათი გამოიწვია.

ფრაქცია „ნაციონალური მოძრაობის“ ინფორმაციით, წელს შესაძლოა 17 ათასი ბავშვი ბაგა-ბაღის გარეშე დარჩეს. უმცირესობამ საკრებულოს უმრავლესობა უმოქმედობაში დაადანაშაულა.

„რას ვუშვებით იმ 17 ათასს ბავშვს, რომელიც რჩება სკოლის გარეთ და მათ, ვინც ბაღებში ვერ დარეგისტრირდება. ჩვენ გთავაზობთ გამოსავალს ვაუჩერების გაცემის სახით ამ ბავშვებისთვის. თქვენ არ გინდათ ამის გაკეთება და არ იმჩნევთ ამას“, - განაცხადა სევდია უგრეხელიძემ.

საკრებულოს განათლებისა და კულტურის კომისიის თავმჯდომარის თამარ ტალიაშვილის თქმით, „ნაციონალური მოძრაობა“ მოსახლეობის შეცდომაში შეყვანას მიზანმიმართულად ახდენს. იგი დაინტერესდა, რატომ დაიხურა ყოფილი ხელისუფლების დროს თბილისში 50 საბავშვო ბაღი და რატომ იხსნებოდა „ნაციონალური მოძრაობის" ოფისები საბავშვო ბაღების შენობებში.

საკრებულოს თავმჯდომარემ გიორგი ალიბეგაშვილმა კი აღნიშნა, რომ საბავშვო ბაღების გარეთ არც ერთი ბავშვი არ დარჩება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას