მასწავლებლის დღისადმი მიძღვნილი კვირეულის ფარგლებში, შუახევის მერმა ფრიდონ ფუტკარაძემ, საქართველოს პარლამენტის წევრთან ანზორ ბოლქვაძესთან, აჭარის ა. რ. ჯანმრთელობისა და სოციალური დაცვის მინისტრის მოადგილე რამაზ ჯინჭარაძესთან, საკრებულოს თავმჯდომარე გიორგი დავითაძესთან და მუნიციპალიტეტის სხვა ხელმძღვანელ პირებთან ერთად, ნიგაზეულის საჯარო სკოლის მასწავლებელს ნატო ცეცხლაძეს და დაბა შუახევის საჯარო სკოლის მასწავლებელს ესმა მაკარაძეს პროფესიული დღე მიულოცა.

 შუახევის მერმა მადლობა გადაუხადა პედაგოგებს ნაყოფიერი პედაგოგიური მოღვაწეობისთვის და სამახსოვრო საჩუქარი გადასცა.

ნატო ცეცხლაძე ნიგაზეულის საჯარო სკოლის ბუნებისა და მე და საზოგადოების მასწავლებელია 2009 წლიდან დღემდე. იგი მაღალი პასუხისმგებლობით ეკიდება მასზე დაკისრებულ მოვალეობას. მოსწავლე - ახალგაზრდობის აღზრდისა და განათლების საქმეს ემსახურება გულმოდგინედ და შესაშური ენერგიით, რისთვისაც არაერთი სიგელი და მადლობის ბარათი არის დაჯილდოვებული. მისი ინიციატივით სკოლაში დაფუძნდა თეატრალური კლუბი “მომავლის თეატრი“, განახორციელა არაერთი სპექტაკლის დადგმა, ხელმძღვანელობს კავეენის გუნდს, აგრეთვე სისტემატიურად ატარებს სკოლაში ინტელექტუალურ თამაშებს.

 ესმა მაკარაძე დაბა შუახევის საჯარო სკოლის მათემატიკის მასწავლებელია 1970 წლიდან დღემდე. იგი მაღალი პასუხისმგებლობით ეკიდება მასზე დაკისრებულ მოვალეობას. მოსწავლე - ახალგაზრდობის აღზრდისა და განათლების საქმეს 50 წელია ემსახურება დიდი სიყვარულით, რისთვისაც არაერთი სიგელი და მადლობის ბარათი აქვს მიღებული. დიდია ასევე მისი წვლილი მოსწავლეთა შემოქმედებით ოლიმპიადებსა თუ სხვა კონკურსებში მოპოვებულ წარმატებებში.

(NS)

ავტორი: ,

სოციალური ქსელები

კონგრესმა მიიღო კანონპროექტი ჯოჯოხეთური სანქციები“ რუსეთის წინააღმდეგ „ და დოკუმენტი ხელმოსაწერად ტრამპს გაუგზავნა

უკრაინელების მოკლული გენერალ-მაიორი ანტონ გრუნისი, საქართველოს წინააღმდეგ 2008 წელს ომობდა

იემენელი ჰუსიტები მუსლიმებისთვის წმინდა ქალაქს მექას დაესხნენ თავს

SOLO-ს განსაკუთრებული შეთავაზება ისთ ფოინთის დაბადების დღეს SOLO VISA ბარათის მფლობელებს