ნატო-ს გენერალური მდივანი იენს სტოლტენბერგი რუსეთს მოუწოდებს საქართველოს რეგიონებიდან ჯარები გაიყვანოს, - ამის შესახებ სტოლტენბერგმა ნატო-საქართველოს კომისიის სხდომის დასრულების შემდეგ განაცხადა. 

როგორც სტოლტენბერგმა აღნიშნა, რუსეთა აფხაზეთისა და ე.წ. სამხრეთ ოსეთის დამოუკიდებლობის აღიარებაზე უარი უნდა თქვას. მანვე დასძინა, რომ ნატო-ს კარი საქართველოსთვის ღიაა და ქვეყანას წევრობასა და რეგიონების დათმობას შორის არჩევანის გაკეთება არ მოუწევს. 

"დღევანდელმა შეხვედრამ გვაჩვენა, რომ კომისიის სხდომა სასიკეთოა როგორც ნატო-სთვის, ასევე საქართველოსთვის. ეს თანამშრომლობა ნიშნავს ერთმანეთის მხარდაჭერას, ერთმანეთის დაცვას და ერთად დგომას უსაფრთხოების საერთო გამოწვევების წინაშე. ჩვენ ნამდვილად ვაფასებთ მჭიდრო პარტნიორობას საქართველოსთან და დღევანდელ შეხვედრაზე ეს პოზიცია ყველა მოკავშირემ გამოხატა. ნატო-ს კარი ღიაა საქართველოსთვის. დღეს ალიანსის ლიდერებმა კიდევ ერთხელ დაადასტურეს საქართველოს სუვერენიტეტის, უსაფრთხოებისა და ტერიტორიული მთლიანობის მხარდაჭერა. ჩვენ მოვუწოდებთ რუსეთს უარი თქვას აფხაზეთისა და სამხრეთ ოსეთის აღიარებაზე და გაიყვანოს სამხედრო ძალები საქართველოს ამ რეგიონებიდან. მივესალმებით იმ პროგრესს რომლიც საქართველომ რეფორმების კუთხით მიაღწია და მოვუწოდებთ, აღებული კურსი გააგრძელოს", - განაცხადა იენს სტოლტენბერგმა. 

ავტორი: ,

სოციალური ქსელები

ხმების 100 % ან 99 % „ქართულმა ოცნებამ“ შუალედურ ე.წ არჩევნებში გამარჯვება მოიპოვა

კობახიძე - დადასტურდა, მათ შორის ვიდეოჩანაწერებით, რომ რაზეც ეს კონკრეტული პატიმარი საუბრობდა, იყო ტყუილი

კობახიძე აღიარებს რომ სურსათის გაზრდილი ფასები ხალხს მტკივნეულად დააწვა

ამერიკა ასჯერ ძლიერია, ვიდრე რუსეთი - ზელენსკიმ ტრამპს მოუწოდა, გაიხსენოს აშშ-ის ძალა