რუსეთის საგარეო საქმეთა მინისტრის მოადგილე გრიგორი კარასინი საქართველოს პრემიერ-მინისტრის მამუკა ბახტაძის გაერო-ში გამოსვლას ეხმაურება. 

კარასინის თქმით, მსგავსი ტიპის განცხადებები იმედგაცრუებას იწვევს.  

"ჩვენ ვკითხულობთ საქართველოს ხელისუფლების განცხადებებს, მაგალითად, საქართველოს პრემიერ-მინისტრის გამოსვლას გაერო-ში. გვესმის, როგორი დამოკიდებულებაა რუსეთის მიმართ. შევეცდებით, ამას რამე მოვუხერხოთ, შევეცდებით, ყველაფერი პოზიტივისა და კონსტრუქციული მსჯელობის გამოყენებით გავაკეთოთ. ის საკითხები, რომლებიც შეგვიძლია წინ წავწიოთ, დაგვეხმარება პოლიტიკური კუთხითაც, პოლიტიკური ურთიერთობების აღზრდაში. ასეთ ფსონს ვაკეთებთ. ასეთი განცხადებები ჩვენს იმედგაცრუებას იწვევს, რადგან ეს არის კრიტიკა ჩემი ქვეყნის მიმართ. ცინიკურად ჟღერს აფხაზეთთან და სამხრეთ ოსეთთან ურთიერთოებების დამყარების სურვილი და ამავე დროს, ამ ქვეყნების დადანაშაულება იმაში, რომ იქ არანორმალური ვითარებაა, ადგილი აქვს ჰუმანიტარულ კატასტროფას. ნაბიჯების გადადგმის ნაცლად, ფაქტობრივად, ხდება არსებული მექანიზმების ჩაშლა. ვგულისხმობ ინციდენტების პრევენციისა და მათზე რეაგირების მექანიზმს. ჩვენ პრაღაში შეხვედრას ვმართავთ, რათა გადავჭრათ ის საკითხები, რისი გადაჭრაც შეგვიძლია. ეს არის სატრასპორტო, სახმელეთო, საჰაერო მიმოსვლა, სავაჭრო ურთიერთობები, ჰუმანიტარული კონტაქტები, სავიზო საკითხები, ამ არასრული 6 წლის განმავლობაში რაღაც გამოგვივიდა. იმედი გვაქვს, ეს კონსტრუქციული ტენდენცია გაგრძელდება. არ გამოგვივიდა პოლიტიკური ნაწილი“, - განაცხადა კარასინმა.

ინფორმაციას საზოგადოებრვი მაუწყებელი ავრცელებს.

ავტორი: ,

სოციალური ქსელები

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა