რაჭის რეგიონში რთველის პროცესი აქტიურ ფაზაში შევიდა. 30 სექტემბრის მდგომარეობით, რაჭაში 155 ტონა ყურძენი (მუჯურეთული და ალექსანდროული) დაიკრიფა და ჩაბარდა.

რთველის საკოორდინაციო შტაბის უფროსის, ანდრო ასლანიშვილის განცხადებით, რაჭაში რთველი ისეთივე წარმატებით ჩატარდება, როგორც კახეთის რეგიონში.

„დღეს ამბროლაურის მუნიციპალიტეტში 18 ღვინის მწარმოებელი კომპანია 8 ლოკაციაზე იბარებს ადგილობრივი მევენახეებისგან ყურძენს. ოთხი მიმღები პუნქტი გახსნილია ქალაქ ამბოლაურში, ორი სოფელ ხვანჭკარაში და თითო პუნქტი - სოფელ ჭრებალოსა და ბუგეულში. ჯიშობრივი სიზუსტის დაცვის მიზნით, რთველის პროცესში ჩართულები არიან ამპელოგრაფები. რთველის საკოორდინაციო შტაბში სულ დარეგისტრირებულია 29 ღვინის ღვინის მწარმოებელი კომპანია, რომლებიც მოსახლეობისგან ყურძნის შესყიდვის პროცესში ჩაერთვებიან" - აღნიშნა ანდრო ასლანიშვილმა.

რთველის საკოორდინაციო შტაბი ამბროლაურში 25 სექტემბერს გაიხსნა.

წინასწარი მონაცემებით, წელს რაჭაში  მუჯურეთულისა და ალექსანდროულის 1500 ტონამდე მოსავალს ელიან.

რთველი დასასრულს უახლოვდება კახეთის რეგიონში, სადაც წელს გადამუშავებულმა ყურძენმა და მევენახეების შემოსავალმა, ბოლო  თითქმის 30 წლის რეკორდულ მაჩვენებელს მიაღწია: გადამუშავებულია 180 ათასამდე ტონა ყურძენი, მევენახეების შემოსავალმა რთველის დაწყებიდან დღემდე 245 მლნ ლარს მიაღწია.

(NS)

ავტორი: ,

სოციალური ქსელები

უკრაინელების მოკლული გენერალ-მაიორი ანტონ გრუნისი, საქართველოს წინააღმდეგ 2008 წელს ომობდა

იემენელი ჰუსიტები მუსლიმებისთვის წმინდა ქალაქს მექას დაესხნენ თავს

SOLO-ს განსაკუთრებული შეთავაზება ისთ ფოინთის დაბადების დღეს SOLO VISA ბარათის მფლობელებს

ახალი შეთავაზება TBC-ის პლატფორმაზე - დაიბრუნე ვაჭრობის საკომისიო და დასაჩუქრდი $500-მდე