ნატოს გენერალური მდივნის სპეციალურმა წარმომადგენელმა კავკასიასა და ცენტრალურ აზიაში, ჯეიმს აპატურაიმ ნატო-საქართველოს ერთობლივი წვრთნისა და შეფასების ცენტრის შესახებ ქართული მედიის წარმომადგენლებთან ბრიუსელში, ალიანსის შტაბ-ბინაში ისაუბრა.

ჯეიმს აპატურაიმ ნატოს გენერალური მდივნის იენს სტოლტენბერგის საქართველოში ვიზიტზე ისაუბრა და საქართველოს თავდაცვის მინისტრის მუშაობა შეაფასა:

„საქართველოს მთავრობასთან მჭიდროდ ვთანამშრომლობთ და ვიცი, რომ ქვეყანა სწრაფი ნაბიჯებით მიიწევს წინ. მინდა დავრწმუნდე, რომ ერთად - რადგან ეს ერთობლივი ცენტრია - განვსაზღვროთ რა მიზანს ემსახურება და რა არის საჭირო განხორციელების ფაზაზე გადასასვლელად. ჩვენ როგორც შეგვიძლია სწრაფ ტემპში ვიმოქმედებთ და ქართული მხარეც შესაბამისად სწრაფად შეძლებს განხორციელებას. გენერალური მდივანი მოუთმენლად ელის საქართველოში ვიზიტს. ეს მხოლოდ დიპლომატიური ფრაზა არ არის. თარიღი ჯერ კიდევ ზუსტდება, მაგრამ ეს ვიზიტი აუცილებლად შედგება.

თავდაცვის მინისტრი ძალიან კარგი რეპუტაციით სარგებლობს და მისი რეპუტაცია კიდევ უფრო გამყარდა ბრიუსელში ვიზიტის შემდეგ. ის ძალიან სწრაფად გაერკვა დეტალებში და დასახა სტრატეგიული ხედვა, რომელიც პრესასაც გაუზიარა. ის ძალიან ნათლად და მკაფიოდ გამოხატავს საქართველოს პოზიციას და ეს ძალიან მნიშვნელოვანია. მან ფანტასტიურად იმუშავა ნატოს შტაბ-ბინაში ვიზიტისას. მოუთმენლად ველით მასთან შეხვედრას ნატოს თავდაცვის მინისტერიალის ფარგლებში“,-განაცხადა ჯეიმს აპატურაიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა

უკრაინელი და ქართველი ადამიანის უფლებათა დამცველი ალექსანდრა დელემენჩუკი გარდაიცვალა