შუახევში სათათბირო ორგანოს – სამოქალაქო მრჩეველთა საბჭოს მორიგი სხდომა გაიმართა.

 სხდომას სამოქალაქო მრჩეველთა საბჭოს წევრები, საკრებულოს თავმჯდომარე გიორგი დავითაძე, მერის მოადგილე რუსუდან შავაძე, საქართველოს ახალგაზრდა ეკონომისტთა ასოციაციის წარმომადგენელი მარიამ ჯიბუტი და სხვა ხელმძღვანელი პირები ესწრებოდნენ.

საბჭომ განიხილა დღის წესრიგით გათვალისწინებული შემდეგი საკითხები:

შუახევის მუნიციპალიტეტის საკუთრებაში არსებული , დაბა შუახევში , რუსთაველის # 17/ 3 მდებარე შენობის მეორე სართულის და მის მიმდებარედ 16 და 35 კვადრატული მეტრი მიწის ნაკვეთის იუსტიციის სამინისტროზე უსასყიდლოდ სარგებლობის უფლებით გადაცემის თაობაზე;

 შუახევის მუნიციპალიტეტის გენდერული თანასწორობის სამოქმედო გეგმის დამტკიცების შესახებ;

შუახევის მუნიციპალიტეტის სოფელ ნიგაზეულის საჯარო სკოლისათვის შერიფ ხიმშიაშვილის სახელის მინიჭების თაობაზე;

 მუნიციპალიტეტის ტერიტორიაზე დასაქმებული სამედიცინო პერსონალისათვის სახელფასო განაკვეთის მოწესრიგების თაობაზე.

საბჭომ კენჭი უყარა სხდომაზე წარდგენილ საკითხებს და ერთხმად მოიწონა.

დღვანდელი სხდომა გაგრძელდა დისკუსიით, საბჭოს წევრებმა სხვა მიმდინარე საკითხებზეც იმსჯელეს და დასახეს სამომავლო გეგმები.

სხდომის დასასრულს შუახევის მერმა სხდომის წევრებს დაბის სივრცითი მოწყობის მომავლის ხედვა გააცნო და ნაჩვენები იქნა ვიდეორგოლი.

(NS)

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს