|
2018-09-26 18:23:40, 2054 ნახვა
ეკონომიკა
გიორგი ქობულია EBRD-ის ჯგუფის დირექტორთა საბჭოს წევრებს შეხვდა
ეკონომიკისა და მდგრადი განვითარების მინისტრი გიორგი ქობულია ევროპის რეკონსტრუქციისა და განვითარების ბანკის ჯგუფის (EBRD) დირექტორთა საბჭოს 11 წევრს შეხვდა, რომლებიც საქართველოში მიმდინარე ეკონომიკური ვითარებისა და ბანკის საქმიანობის გასაცნობად არიან ჩამოსული. შეხვედრაზე განხილული იყო ევროპის რეკონსტრუქციისა და განვითარების ბანკის საქმიანობა, მიმდინარე და დაგეგმილი პროექტები, აგრეთვე სამომავლო თანამშრომლობის ძირითადი მიმართულებები. ასევე ყურადღება გამახვილდა EBRD-ის მხრიდან ეკონომიკური განვითარებისა და კერძო სექტორის მხარდაჭერაზე. შეხვედრის შემდეგ, ეკონომიკისა და მდგრადი განვითარების მინისტრმა გიორგი ქობულიამ განაცხადა, რომ EBRD-ი დიდი ენთუზიაზმით უყურებს საქართველოში მიმდინარე პროცესებს. „ისინი ძალიან კმაყოფილები არიან იმ რეფორმების, რომელიც ჩვენ გვქონდა დღემდე, მაგრამ კიდევ უფრო დიდი ენთუზიაზმით უყურებენ იმ გეგმებს, რომელიც ჩვენ გვაქვს მომავლისთვის. მზად არიან გაგვიწიონ დახმარება როგორც ენერგეტიკულ სფეროში, ასევე წიაღის ათვისებაში და რაც ძალიან მნიშვნელოვანია მასშტაბური დახმარება გაგვიწიონ ტექნიკური განათლების მიმართულებით", - განაცხადა ეკონომიკისა და მდგრადი განვითარების მინისტრმა. „საქართველოს მთავრობას აქვს მკაფიო ხედვა, თუ როგორ უნდა გაუმჯობესდეს ქვეყნის ეკონომიკა და ეს სტრატეგია უკვე ხორციელდება. დარწმუნებული ვარ, რომ, სხვადასხვა მიმართულებით, ევროპის რეკონსტრუქციისა და განვითარების ბანკის მხარდაჭერით, ძალიან მალე კიდევ უფრო მნიშვნელოვანი ეკონომიკური წინსვლა გვექნება," - განაცხადა ევროპის რეკონსტრუქციისა და განვითარების ბანკის რეგიონალურმა დირექტორმა ბრუნო ბალვანერამ.
(NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





