"ქართული ოცნების" ოფისში უმრავლესობასთან შეხვედრას ბიძინა ივანიშვილიც ესწრებოდა

2015-06-05 19:38:18, 500 ნახვა

პოლიტიკა

კოალიცია "ქართული ოცნების" ცენტრალურ ოფისში, გამართულ საპარლამენტო უმრავლესობის შეხვედრას, ყოფილი პრემიერ-მინისტი ბიძინა ივანიშვილიც ესწრებოდა.

ამის შესახებ ინფორმაცია ჟურნალისტებს პარლამენტის თავმჯდომარე დავით უსუფაშვილმა დაუდასტურა.

უსუფაშვილის თქმით, საარჩევნო მოდელთან დაკავშირებული თემა, ახალი არ არის და სურდათ ამ საკითხის განხილვაში მონაწილეობა ივანიშვილსაც მიეღო.

"ჩვენი თხოვნით ესწრებოდა ბიძინა ივანიშვილი ამ სხდომას, ვინაიდან გვინდოდა გაგვეაზრებინა კარგად, საარჩევნო მოდელთან დაკავშირებული საკითხი ახალი არაა, ამიტომ საჭიროდ ჩავთვალეთ ივანიშვილის ყოფნა. საარჩევნო სისტების ვერსია და მოდელი ჩვენი საერთო პოზიციაა." - განაცხადა დავით უსუფაშვილმა.

"ქართული ოცნების" შეხვედრა პარტიის ცენტრალურ ოფისში რამდენიმე წუთის წინ დასრულდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან