|
2018-09-10 17:03:09, 1346 ნახვა
ეკონომიკა
ეკონომიკური პოლიტიკის კომიტეტის წევრები სააგენტოს - „აწარმოე საქართველოში“ ახალ ხელმძღვანელს შეხვდნენ
დარგობრივი ეკონომიკისა და ეკონომიკური პოლიტიკის კომიტეტის წევრები დღეს სააგენტოს „აწარმოე საქართველოში" ახალ ხელმძღვანელს, მიხეილ ხიდურელს და მის მოადგილეს, თორნიკე სულაბერიძეს შეხვდნენ. კომიტეტმა სააგენტოს საქმიანობის ანგარიში და სამომავლო გეგმები მოისმინა. დეპუტატები დაინტერესდნენ ახალი ხელმძღვანელობის ხედვებით იმ ძირითად მიმართულებებთან დაკავშირებით, რაც კომიტეტის წევრთა თქმით, ამ პროგრამისათვის მთავარ გამოწვევას წარმოადგენს. კერძოდ, ეს გამოწვევებია კოორდინაციის ნაკლებობა რეგიონული პრიორიტეტების შერჩევისას, მასზე მორგებული სასწავლო კომპონენტებისა და შემდეგ ამ ორ მოცემულობაზე დაფუძნებული საგრანტო სისტემის ამოქმედების კუთხით. დარგობრივი ეკონომიკისა და ეკონომიკური პოლიტიკის კომიტეტის თავმჯდომარის, რომან კაკულიას განცხადებით, „წინა წლებში ამ კომპონენტებს შორის კოორდინაცია ძალიან ნაკლები იყო, ყოველთვის აქცენტი კეთდებოდა სიცოცხლისუნარიან წინადადებებზე, რომლებიც მოსახლეობისგან შემოდიოდა. ასეთი წინადადებების რაოდენობა იმდენად მცირეა, რომ არა თუ სურათს ვერ ცვლის, არამედ დადებითი ტენდენციების მკაფიოდ გამოკვეთასაც ვერ ახერხებს". რომან კაკულიას შეფასებით, სასიამოვნო ფაქტია, რომ ახალი ხელმძღვანელი მთლიანობაში მოიაზრებს ამ სამი კომპონენტის გაერთიანებას. შეხვედრის დროს ასევე გამოიკვეთა აუცილებლობა, რომ პროგრამამ რამდენიმე ისეთი პრიორიტეტული პროდუქტი, ან მომსახურება შეარჩიოს, რომლითაც იმპორტის ჩანაცვლება მოხდება. ასევე პერიოდულად უნდა დაიდოს მონაცემები სააგენტოს ხელშეწყობით განვითარებული საწარმოების თუ მომსახურებათა რაოდენობისა, ასევე ყოველწლიურად დაფიქსირდეს იმ პროდუქციისა და მომსახურების ნუსხა, რომელიც იმპორტის ჩანაცვლების კუთხით იქნა მხარდაჭერილი ამ პროექტის მიერ. რომან კაკულიას თქმით, „არსებული სოციალური ფონის გათვალისწინებით, ჩვენს მიერ დეკლარირებული ეკონომიკური პოლიტიკის მიმართულებების გათვალისწინებით, ამ სეგმენტის ამუშავება არის კრიტიკულად აუცილებელი". შეხვედრის ბოლოს მხარეები შეთანხმდნენ, რომ ამ მიმართულებით მუშაობა გაგრძელდება, რათა შედეგები ხელშესახები გახდეს უახლოეს მომავალში.
(NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





