|
2018-09-07 13:05:15, 1420 ნახვა
ეკონომიკა
ცოტნე ყავლაშვილი: დღგ-ს ზედმეტობის დაბრუნება მნიშვნელოვანია ეკონომიკის სტიმულირებისთვის
დღგ-ს ზედმეტობის დაბრუნება, მნიშვნელოვანია ეკონომიკის სტიმულირებისთვის, - განაცხადა ფინანსთა მინისტრის მოადგილემ, ცოტნე ყავლაშვილმა დღგ-ს ზედმეტობის დაბრუნების პროცესის შეფასებისას. მისი თქმით, საგადასახადო ზედმეტობის სახით, დღეის მდგომარეობით, უკვე დაბრუნებულია 280 მილიონი ლარამდე. „2018 წლის დასაწყისიდან, ფინანსთა სამინისტროს მიდგომები დღგ-ს ზედმეტობის დაბრუნებასთან დაკავშირებით, არის თვისობრივად შეცვლილი, პროცესის გამარტივებისა და დაჩქარების მიმართულებით, ამიტომ ძალიან მნიშვნელოვანია, ბიზნესის კიდევ უფრო გააქტიურება, რათა მათ ელექტრონული ფორმით შეავსონ განაცხადები და ჩვენ უმოკლეს ვადებში დავაბრუნებთ აღნიშნულ თანხებს. 2018 წლის ბოლოდან, ეს პროცესი სრულად ელექტრონული ფორმით განხორციელდება და დღგ-ს ზედმეტობის დაბრუნება, განხორციელდება ადამიანური რესურსების ჩართულობის გარეშე", - აღნიშნა ფინანსთა მინისტრის მოადგილემ. როგორც ცოტნე ყავლაშვილმა განაცხადა, ბიზნესის აქტიურობა ბოლო წლებთან შედარებით, 4-ჯერ არის გაზრდილი, რაც რეფორმის ფარგლებში ფინანსთა სამინისტროს აქტიური მუშაობის შედეგია, თუმცა მნიშვნელოვანია, ეს პროცესი კიდევ უფრო დაჩქარდეს. „ჩვენ მოვუწოდებთ ბიზნესს მეტი აქტიურობისკენ. დღგ-ს ზედმეტობის დაბრუნება, მნიშვნელოვანია ეკონომიკის სტიმულირებისთვის. ეს პროცესი უკავშირდება ფინანსებზე ხელმისაწვდომობის ზრდას, რადგან ბიზნესს აქვს საშუალება, უმოკლეს ვადაში დაიბრუნოს ის აქტივები, რომელიც მას დღგ-ს ზედმეტობის სახით აქვს საგადასახადო ბარათზე და ეს თანხები კვლავ გამოიყენოს ბიზნესის გაფართოებისთვის, ახალი სამუშაო ადგილების შექმნისთვის და რეინვესტირებისთვის. ფინანსთა სამინისტრო წლის მანძილზე ახორციელებს აქტიურ საინფორმაციო კამპანიას, რათა ეს პროცესი კიდევ უფრო დაჩქარდეს და წლის ბოლომდე მივაღწიოთ ძალიან მაღალ, 500 მილიონიან მაჩვენებელს", - აღნიშნა ფინანსთა მინისტრის მოადგილემ, ცოტნე ყავლაშვილმა.
(NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





