შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ტრეფიკინგის და უკანონო მიგრაციის წინააღმდეგ ბრძოლის სამმართველოს ექვსმა თანამშრომელმა და საქართველოს პროკურატურის ოთხმა პროკურორმა, ამერიკის შეერთებული შტატების საელჩოს რეგიონალური უსაფრთხოების ოფისისა (RSO) და სახელმწიფო ანტინარკოტიკული და სამართალდამცავ ორგანოებთან ურთიერთობის საერთაშორისო ბიუროს (INL) ორგანიზებით, ქალაქ ბუდაპეშტში (უნგრეთი), საერთაშორისო სამართალდამცავ აკადემიაში (ILEA) ტრეფიკინგის საკითხებზე გამართულ ორკვირიან სპეციალიზებულ სასწავლო კურსში მიიღეს მონაწილეობა.

შსს-ს ინფორმაციით, სასწავლო კურსი მიზნად ისახავდა სამართალდამცველთა შესაძლებლობების ზრდას ტრეფიკინგის წინააღმდეგ ბრძოლაში და მას მოწვეული ექსპერტი პოლ ჰოლმსი უძღვებოდა.

ტრენინგზე განიხილეს შემდეგი თემები: ტრეფიკინგის წინააღმდეგ ბრძოლის სამართლებრივი საკითხები, ტრეფიკინგის მსხვერპლის იდენტიფიკაცია, მსხვერპლთან თანამშრომლობა, დანაშაულის პრევენცია, პროაქტიული გამოძიების ჩატარება, მსხვერპლთა დაცვა, დაკითხვის ჩატარების ტექნიკა, სისხლის სამართლებრივი დევნის განხორციელების თავისებურებები, რისკის შეფასება, მართვა და ანალიზი, მტკიცებულებათა მოპოვებისა და შეფასების მეთოდები და სტანდარტი, ტრეფიკინგის საქმეებზე ფინანსური გამოძიების წარმოება, სისხლის სამართლის გამოძიებასთან დაკავშირებით საერთაშორისო სამართლის ძირითადი სტანდარტები, საერთაშორისო თანამშრომლობა სამართალდამცავ უწყებებს შორის.

სწავლების მსვლელობისას საუბარი ასევე შეეხო პრაქტიკულ მაგალითებს და მოხდა გამოცდილების გაზიარება.

სასწავლო კურსში მონაწილეობა მიიღეს სამართალდამცავებმა საქართველოდან, ყაზახეთიდან და სერბეთიდან. სწავლების დასრულების შემდეგ, მონაწილეებს ადამიანით ვაჭრობის (ტრეფიკინგის) გამოძიების კურსის გავლის დამადასტურებელი სერთიფიკატები გადაეცათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა