საქართველო-აზერბაიჯანის საზღვარზე სათვირთო ავტომობილის დაგორების შედეგად ერთი მესაზღვრე დაიღუპა

2018-09-04 13:23:27, 1074 ნახვა

რეგიონი

წითელ ხიდზე, საქართველო-აზერბაიჯანის საზღვრის აზერბაიჯანის ტერიტორიაზე უბედური შემთხვევა მოხდა, - ამის შესახებ Haqqin.az იუწყება.

მედია საშუალების ინფორმაციით, საზღავრზე, აზერბაიჯანის ტერიტორიაზე სატვირთო ავტომობილი, რომელიც შემოწმების მიზნით იყო გაჩერებული, დაგორდა.

მედიის ცნობით, სატვირთო ავტომობილის დაგორების შედეგად აზერბაიჯანელი მესაზღვრე დაიღუპა.

"იმ დროს, როდესაც სატვირთო ავტომობილის მძღოლი მანქანიდან გადმოვიდა, რათა სამართალდამცველებისთვის საბუთები წარედგინა, მანქანის სამუხრუჭე სისტემა მწყობრიდან გამოვიდა, რამაც მანქანის დაგორება გამოიწვია. აზერბაიჯანის სასაზღვრო პოლიციის წარმომადგენელი, რომელიც ამ დროს სატვირთო ავტომობილის წინ იმყოფებოდა, დაჯახების შედეგად ადგილზევე გარდაიცვალა", - ნათქვამია აზერბაიჯანის სასაზღვრო პოლიციის განცხადებაში.

მომხდართან დაკავშირებით გამოძიება მიმდინარეობს.

არსებული ინფორმაციით, სატვირთო ავტომობილი ქართული სანომრე ნიშნებით გადაადგილდებოდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები