მიწის სისტემური რეგისტრაციის პროექტის ფარგლებში მესტიის მუნიციპალიტეტის წარმომადგენლებთან შეხვედრა გაიმართა.  საპილოტო პროექტის თანამშრომლებმა მესტიის მუნიციპალიტეტის მერს,  მერის მოადგილეს, საკრებულოს თავმჯდომარესა და ლახამულას ადმინისტრაციულ ერთეულში მერის წარმომადგენელს მიწის სისტემური რეგისტრაციის საპილოტო პროექტით გათვალისწინებული სამუშაოები  გააცნეს.

სოფელ ლახამულას საპილოტო არეალზე  პროექტის ტექნიკური სამუშაოები 2018 წლის 1 სექტემბრიდან დაიწყება, რომლის ფარგლებშიც  მიწის ნაკვეთების აზომვითი/აგეგმვითი სამუშაოები განხორციელდება,    მოხდება  მიწის ნაკვეთებზე ინფორმაციის მოძიება საკუთრების უფლების რეგისტრაციის მქონე პირებისა და  უფლების დამდგენი დოკუმენტაციის შესახებ, ასევე  დაინტერესებულ პირებს ადგილზევე გაეწევათ შესაბამისი კონსულტაციები მიწაზე საკუთრების უფლების რეგისტრაციასთან დაკავშირებულ საკითხებზე.

სოფელ ლახამულაში ტექნიკური სამუშაოები  სექტემბრის თვეში  დასრულდება, რის შემდეგაც  მოძიებული ინფორმაცია  სამართლებრივად დამუშავდება. 

მესტიის მუნიციპალიტეტის სოფელი ლახამულა ერთ-ერთია იმ 12 დასახლებიდან, რომლებშიც, მსოფლიო ბანკის ფინანსური მხარდაჭერით, მიწის სისტემური რეგისტრაციის საპილოტო პროექტი მიმდინარეობს.

მიწის სისტემური რეგისტრაციის საპილოტო პროექტი  მიწის რეგისტრაციის რეფორმის ნაწილს წარმოადგენს და წინასწარ შერჩეულ გეოგრაფიულ არეალებზე სისტემურად და პროაქტიულად მოპოვებული და დამუშავებული მონაცემების საფუძველზე,  მიწის ნაკვეთების რეგისტრაციას ითვალისწინებს. პროექტის ფარგლებში, საპილოტო არეალებზე სრულად აიზომება და დარეგისტრირდება კერძო, სახელმწიფო და მუნიციპალურ საკუთრებაში არსებულ მიწის ნაკვეთები; შეიქმნება მონაცემთა ერთიანი ბაზა;  მესაკუთრები, რომლებიც მიწის ნაკვეთებს სათანადო საბუთების არქონის, დოკუმენტებში არსებული ხარვეზების, სამეზობლო დავების, საკადასტრო აზომვითი ნახაზისთვის საჭირო საფასურის  თუ  სხვა მიზეზების გამო ვერ ირეგისტრირებდნენ,  ნაკვეთების რეგისტრაციას უფასოდ, მარტივად და ყოველგვარი დაბრკოლების გარეშე შეძლებენ; ადმინისტრაციული წარმოების პროცესში ყველა დაინტერესებული მხარე ჩაერთვება.

მიწის სისტემური რეგისტრაციის პროექტის ფარგლებში მორიგი შეხვედრა 31 აგვისტოს, 12:00 საათზე, სოფელ ლახამულას ადმინისტრაციულ ერთეულში მერის წარმომადგენლის შენობაში გაიმართება.  საპილოტო პროექტის წარმომადგენლები სოფელ ლახამულას მაცხოვრებლებს შეხვდებიან და პროექტით  დაგეგმილი  სამუშაოების დეტალებს გააცნობენ.

(NS)

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს