|
2018-08-29 14:44:29, 1597 ნახვა
ეკონომიკა
მაჭავარიანი: სავალუტო ფონდის მიერ ეკონომიკური ზრდის პროგნოზის გაუმჯობესება ნიშნავს მეტ ინვესტიციას და ნდობას საქართველოს მიმართ
საერთაშორისო სავალუტო ფონდის შუალედური მისიის წევრებმა შემაჯამებელი შეხვედრა ფინანსთა მინისტრთან, ივანე მაჭავარიანთან გამართეს. სამინისტროს ინფორმაციით, შეხვედრაზე მისიის ხელმძღვანელის მიერ პოზიტიურად შეფასდა საერთაშორისო სავალუტო ფონდის პროგრამის მიმდინარეობა. უწყების ცნობით, მხარეებმა განიხილეს ქვეყნის მაკროეკონომიკური მდგომარეობა, ფისკალური და სტრუქტურული რეფორმები, მომავალი წლის საბიუჯეტო პარამეტრები.აღინიშნა, რომ მიუხედავად რეგიონში არსებული ვითარებისა, ქვეყნის ეკონომიკამ აჩვენა მდგრადობის მაღალი ხარისხი და ქვეყნის როგორც მონეტარული, ისე ფისკალური პოლიტიკა ეფექტურად პასუხობს საგარეო რისკებს. გამომდინარე აქედან, მოსალოდნელზე მაღალი ეკონომიკური აქტივობის გამო საერთაშორისო სავალუტო ფონდის მისიამ საქართველოს ეკონომიკის 2018 წლის ზრდის პროგნოზი წლიურ 5.5 პროცენტამდე აწია. საერთაშორისო სავალუტო ფონდის მისიის ხელმღვანელმა აღნიშნა, რომ ხელისუფლებამ უნდა გააგრძელოს რეფორმები, რომელიც მიმართული იქნება, შემცირდეს საგარეო რისკების ზეგავლენა ქვეყნის ეკონომიკაზე, გაიზარდოს სახელმწიფო ინვესტიციები, უფრო მეტად გაუმჯობესდეს ბიზნესგარემო, მმართველობისა და განათლების ხარისხი. საერთაშორისო სავალუტო ფონდის მისია საქართველოს სამუშაო ვიზიტით 27 აგვისტომდე სტუმრობდა. ვიზიტის ფარგლებში, მისიის წევრები შეხვდნენ მთავრობის ეკონომიკური გუნდის და პარლამენტის წევრებს, ეროვნული ბანკის ხელმძღვანელობას, საერთაშორისო საფინანსო ინსტიტუტებისა და საბანკო სექტორის წარმომადგენლებს. საერთაშორისო სავალუტო ფონდის შემფასებელი მისია საქართველოს ოქტომბერში ესტუმრება.
(NS)
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





