|
2018-08-24 02:18:09, 1826 ნახვა
ეკონომიკა
ტომას ბარაიბი: საქართველოში ძალიან კარგი, ხელსაყრელი გარემოა ახალი ბიზნესის საწარმოებლად
გერმანიის ეკონომიკისა და ენერგეტიკის სამინისტროს საპარლამენტო სახელმწიფო მდივანი ტომას ბარაიბი საქართველო-გერმანიის მომავალი ეკონომიკური ურთიერთობების პერსპექტივას დადებითად აფასებს. ეს განცხადება გერმანიის მთავრობის წარმომადგენელმა საქართველოს ეკონომიკისა და მდგრადი განვითარების სამინისტროში გააკეთა, სადაც ის გერმანიის ბიზნესსექტორის წარმომადგენლებთან ერთად მინისტრის მოადგილე გენადი არველაძეს და სააგენტო „აწარმოე საქართველოში" ხელმძღვანელს მიხეილ ხიდურელს შეხვდა. შეხვედრის შემდეგ, გერმანიის ეკონომიკისა და ენერგეტიკის სამინისტროს საპარლამენტო სახელმწიფო მდივანმა ორ ქვეყანას შორის ეკონომიკური თანამშრომლობის პოზიტიურ გამოცდილებაზე ისაუბრა და აღნიშნა: „ძალიან მნიშვნელოვანია ბიზნესგარემო, რაც საქართველოშია შექმნილი. ჩვენი ინვესტორების, ჩვენი კომპანიების წამომადგენლების აზრით, თქვენთან ახალი ბიზნესის საწარმოებლად მართლაც ძალიან კარგი და ხელსაყრელი გარემოა შექმნილი. ჩვენს დელეგაციაში სხვადასხვა სექტორის წარმომადგენლები არიან, მათ შორის, ინფრასტრუქტურის, სამთო მრეწველობის, განათლების სფეროდან. ჩვენ ვხედავთ კარგ შესაძლებლობას, რათა ჩვენს შორის სხვადასხვა ტიპის ურთიერთობები ჩამოყალიბდეს." ქვეყნებს შორის ინვესტიციების სფეროში თანამშრომლობაზე საუბრისას, ტომას ბარაიბიმ განაცხადა, რომ ამ მხრივ, მნიშვნელოვანია არსებობდეს გამართული სამართლებრივი პირობები. „ასევე ქვეყანა უნდა იყოს უსაფრთხო, დაცულად უნდა გრძნობდე თავს. ეს ყველაფერი საქართველოში არსებობს, რაც, რა თქმა უნდა, ხელს შეუწყობს სხვადასხვა პროექტების განხორციელებას", - განაცხადა გერმანიის ეკონომიკისა და ენერგეტიკის სამინისტროს საპარლამენტო სახელმწიფომდივანმა. გერმანიის ფედერალური კანცლერის ანგელა მერკელის საქართველოში ვიზიტთან ფარგლებში, საქართველოს მსხვილი გერმანული კომპანიების ხელმძღვანელი პირები ეწვივნენ, რომლებიც 24 აგვისტოს საქართველოს საქმიანი წრეების წარმომადგენლებთან სამომავლო თანამშრომლობის შესაძლებლობებს განიხილავენ.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





