ეკონომიკისა და მდგრადი განვითარების მინისტრის გიორგი კვირიკაშვილის განცხადებით, მისი უწყების ბალანსზე არსებული სახელმწიფოს მიერ იძულებით ჩამორთმეული ქონება აუცილებლად უნდა დაბრუნდეს, თუმცა ეს რთული პროცესი იქნება.

მინისტრის განმარტებით, ამ ქონების ნაწილი წინა ხელისუფლების დროს გაიყიდა.

„ჩვენი ხელისუფლების მოსვლის დღიდან შეხვედრები გვქონდა უამრავ ადამიანთან, რომლებიც ეკონომიკის სამინისტროში მოდიოდნენ და აცხადებნენ, რომ ესა თუ ის ქონება წართმეული იყო ან ძალით დათმობილი. ასეთ შემთხვევაში ჩვენ ამ ქონებებზე არ გაგვიკეთებია აქტივობა, რომ გაგვეყიდა ანუ ჩვენ შევინახეთ ეს ქონება, იმისათვის რომ იურიდიული პროცესის დასრულების შემდეგ ისინი არ აღმოჩენილიყო მესამე პირების ხელში. თუმცა, რა თქმა უნდა, გარკვეული ქონება ჩვენამდე გაიყიდა, ამიტომ ეს იქნება რთული პროცესი. ასეთი ტიპის საკითხები სასამართლოს მეშვეობით წარიმართება. რაც შეეხება ჩვენს ბალანსზე არსებულ ქონებას, ამ ნაწილში პროკურატურის პროცედურის გავლით ვეცდებით ყველა ასეთი ქონება გადავცეთ იმ ადამიანებს, ვინც დადგინდება, რომ დაზარალებულია ამ პროცესში“, - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინელების მოკლული გენერალ-მაიორი ანტონ გრუნისი, საქართველოს წინააღმდეგ 2008 წელს ომობდა

იემენელი ჰუსიტები მუსლიმებისთვის წმინდა ქალაქს მექას დაესხნენ თავს

SOLO-ს განსაკუთრებული შეთავაზება ისთ ფოინთის დაბადების დღეს SOLO VISA ბარათის მფლობელებს

ახალი შეთავაზება TBC-ის პლატფორმაზე - დაიბრუნე ვაჭრობის საკომისიო და დასაჩუქრდი $500-მდე