2015-06-04 00:27:56, 492 ნახვა
საზოგადოება
ძლიერი წვიმის გამო თბილისის რამდენიმე ქუჩა დაიტბორა და ხეები წაიქცა
ძლიერი წვიმის გამო, თბილისში ქუჩები დაიტბორა და რამდენიმე ხე წაიქცა.
როგორც "ექსპრესნიუსს" საგანგებო სიტუაციების მართვის სამსახურში განუცხადეს, ძირითადად დაიტბორა საბურთალოზე მდებარე ქუჩები და ე.წ იტალიური ეზოები. მოვარდნილმა წყალმა, უნივერსიტეტის ქუჩაზე პრობლემები შეუქმნა ავტომობილების გადაადგილებას.
ამასთან მტკვირის მარცხენა სანაპიროზე, თავდაცვის სამინისტროს მიმდებარე ტერიტორიაზე ხე წააქცია, რის გამოც დაზიანდა გარე განათების ბოძები. ასევე დაიტბორა გლდანი-ნაძალადევის რაიონიც.
საგანგებო სიტუაციების მართვის სამსახურში აცხადებენ, რომ წყლის დონემ დაწევა დაიწყო და ვითარება კონტროლს ექვემდებარება.
ფოტო დატბორვის ადგილიდან
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
