საქართველოს ეკონომიკისა და მდგრადი განვითარების მინისტრის მოადგილე ქეთევან ბოჭორიშვილი მსოფლიოს წლის მეწარმის დაჯილდოების ცერემონიაში მიიღებს მონაწილეობას, რომელიც 2-7 ივნისს მონტე კარლოში გაიმართება.

ეკონომიკის სამინისტროს ინფორმაციით, საქართველოდან მსოფლიოს წლის მეწარმის ტიტულის მოსაპოვებლად წარდგენილია „თიბისი ჯგუფის“ ხელმძღვანელი მამუკა ხაზარაძე, რომელიც 2014 წელს უკვე დასახელდა საქართველოში წლის მეწარმედ. აღსანიშნავია, რომ კონკურსი EY Entrepreneur Of The Year 2014 წელს პირველად ჩატარდა საქართველოში. დაჯილდოების ისტორია უკვე 29 წელს ითვლის და მსოფლიოს დაახლოებით 60 ქვეყანაში და 140 ქალაქში ტარდება წლის მეწარმის გამოსავლენად.

საქართველოში პირველი "წლის მეწარმე" 2014 წლის 11 ნოემბერს გამოავლინა კომპეტენტურმა ჟიურიმ, რომლის შემადგენლობაშიც შედიოდნენ: რუბენ ვარდანიანი (ტროიკა დიალოგის დამფუძნებელი, სბერბანკის დირექტორთა საბჭოს თავჯდომარის მრჩეველი), ქეთევან ბოჭორიშვილი (საქართველოს ეკონომიკისა და მდგრადი განვითარების მინისტრის მოადგილე), გიორგი ბაჩიაშვილი (საქართველოს თანაინვესტირების ფონდის აღმასრულებელი დირექტორი), გიორგი ჭირაქაძე (საქართველოს ბიზნეს ასოციაციის პრეზიდენტი), დევი ხეჩინაშვილი (გამგეობის თავმჯდომარე, აიპ საქართველოს სადაზღვევო კომპანიათა ასოციაცია).

კონკურსში ასევე გამოვლინდნენ კატეგორიის გამარჯვებულებიც: ნინო ელიავა (More is Love) - "საქართველოს ახალი სახით წარმოჩენისთვის" და ივანე გოგლიძე (კულა) - "ტრადიციული გემოს შენარჩუნებისთვის".

პროგრამა EY საქართველომ, საქართველოს ეკონომიკისა და მდგრადი განვითარების სამინისტროს მხარდაჭერით განხორციელა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას