დღეს აჭარის მთავრობის თავმჯდომარემ თორნიკე რიჟვაძემ გაცნობითი ხასიათის შეხვედრები გამართა დიპლომატიური კორპუსის წარმომადგენლებთან.

შეხვედრები შედგა უკრაინის საგარეო საქმეთა სამინისტროს საკონსულო დეპარტამენტის გენერალურ დირექტორთან, საქართველოში თურქეთის ელჩთან და ქ. ბათუმში აზერბაიჯანის რესპუბლიკის გენერალურ კონსულთან.

აჭარის მთავრობის თავმჯდომარემ დიპლომატიური კორპუსის წარმომადგენლებს რეგიონის განვითარებისა და აჭარაში დაგეგმილი პროექტების შესახებ საკუთარი ხედვები წარუდგინა. თორნიკე რიჟვაძემ  მათ მადლობა გადაუხადა  საქართველოს სუვერენიტეტის, ტერიტორიული მთლიანობისა და ევროატლანტიკური მისწრაფების მხარდაჭერისთვის.

მხარეებმა იმედი გამოთქვეს, რომ არსებული მჭიდრო ურთიერთობები მომავალში კიდევ უფრო გაღრმავდება როგორც სავაჭრო ეკონომიკური და ტურისტული, ისე ჰუმანიტარული და კულტურული მიმართულებით.

შეხვედრები საქართველოში, ასევე ქალაქ ბათუმში აკრედიტებული დიპლომატიური კორპუსის წარმომადგენლებთან მომავალშიც გაგრძელდება.

(NS)

ავტორი: ,

სოციალური ქსელები

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ