პარლამენტის წევრის სალომე ზურაბიშვილის შესაძლო პრეზიდენტობის კანდიდატად წარდგენამ საპარლამენტო უმრავლესობაში აზრთა სხვადასხვაობა გამოიწვია.

პარლამენტის ფრაქცია "ქართული ოცნება – მწვანეების" თავმჯდომარე გიორგი გაჩეჩილაძე მიიჩნევს, რომ  მმართველ პარტიას საკუთარი კანდიდატი უნდა ჰყავდეს, თუმცა, ის დამოუკიდებელი კანდიდატის არსებობასაც მიესალმება. 

"მმართველ პარტიას უნდა ჰყავდეს თავისი კანდიდატურა, მაგრამ ისიც შეიძლება, რომ დამოუკიდებელ კანდიდატს დავუჭიროთ მხარი, პრინციპში, კონსტიტუცია ითხოვს პირდაპირ, რომ საპრეზიდენტო კანდიდატი უპარტიო და დაბალანსებული პიროვნება უნდა იყოს, აქედან გამომდინარე, ეს ვარიანტიც არ არის ცუდი", - განაცხადა გაჩეჩილაძემ. 

განსხვავებული მოსაზრებები აქვს, საქართველოს პარლამენტის თავმჯდომარის მოადგილეს გია ვოლსკის. მისი თქმით, თუ სალომე ზურაბიშვილი საკუთარი კანდიდატურის წარდგენას აპირებს, ეს იმას არ ნიშნავს, რომ მმართველმა გუნდმა მას უნდა დაუჭიროს მხარი. 

"ყველა კანდიდატს გაუჭირდება სალომე ზურაბიშვილთან ბრძოლა, ვინაიდან ძალიან ბევრი აქვს პოზიტივი, თუნდაც მისი ფრანგული ‘’ბეგგრაუნდი’’. პრინციპულად მნიშვნელოვან თანამდებობებზე მუშაობდა, აღსანიშნავია მისი მრავალმხრივი მოლაპარაკებები საქართველოდან რუსეთის ბაზების გაყვანის თემაზე’’, - აღნიშნა პარლამენტის სპიკერმა. 

შეგახსენებთ, რომ არაოფიციალური ინფორმაციით, სალომე ზურაბიშვილის დამოუკიდებელი პრეზიდენტობის კანდიდატად წარდგენა განიხილება.

ავტორი: ,

სოციალური ქსელები

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს