ხორავას ქუჩაზე მოკლული ერთ-ერთ მოზარდის მამა, ზაზა სარალიძე და "სამართალდამცველთა რეფორმების ცენტრის" ხელმძღვანელი ზვიად კუპრავა დაზარალებული მოქალაქეების განცხადებების შეგროვებას იწყებენ.

სარალიძე და კუპრავა, ყველა იმ მოქალაქეს, ვისი საქმეებიც დღემდე არ არის გამოძიებული, 23 ივლისს 11:00 საათიდან შეხვედრას სთავაზობენ.

„ამ ადამიანებს დავუდგეთ გვერდით, ვინც უსამართლობის შეგრძნებით ცხოვრობს დღესდღეობით და სისტემა მაქსიმალურად ეცადა, რომ ეს ადამიანები და ეს ოჯახები გაენადგურებინა. ჩვენ ყველაფერს გავაკეთებთ იმისთვის, რომ საქართველოში სამართლიანობა აღდგეს. მე მეორე შვილიც მყავს, მართალია ჩემს შვილს ვერ გავაცოცხლებთ, ვერც ერთის შვილებს ვერ გავაცოცხლებთ, მაგრამ ჩვენ გვყავს მომავალი თაობა, რომლის გულისთვისაც უნდა ვიბრძოლოთ, რათა სამართლიან ქვეყანაში იცხოვრონ“, - აღნიშნა ზაზა სარალიძემ.

განცხადებების შეგროვების შემდეგ ზვიად კუპრავა და ზაზა სარალიძე პრემიერ-მინისტრის ადმინისტრაციას მიმართავენ და მთავრობას გონივრულ ვადას მისცემენ, რათა ყველა საქმის გამოძიება დროულად მოხდეს.

“შევქმნით სრულ ბაზას პირებისა, ვინც ჩვენთან მოვა და შესაბამისად ადამიანების, ვინც არის სისტემის და ძალადობის მსხვერპლი. შემდეგ ამ სიას წარვუდგენთ დანიშნულ მთავრობას და მივცემთ გონივრულ ვადას, რათა თითოეული ამ პირის მიმართ იყოს გადადგმული ხელშესახები ნაბიჯები. კონკრეტული ნაბიჯები იმისთვის, რომ სამართლიანობა ამ ადამიანებისთვისაც იყოს აღდგენილი“, - განაცხადა ზვიად კუპრავამ.

ავტორი: ,

სოციალური ქსელები

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს

პუტინისტმა ფიფიამ პროპაგანდისტულ СОЛОВЬЁВ LIVE -ს ეთერში რუსეთ-საქართველოს დალაგებად ურთიერთობაზე და "გეორგიევსკის" ქვედანაყოფზე ისაუბრა